თამარ კინწურაშვილი - საკითხავია, ქიბარ ხალვაში საკუთარ თავს წარმოადგენს თუ ამჟამინდელ ხელისუფლებას

ამ შემთხვევაში, საკითხავია, ქიბარ ხალვაში საკუთარ თავს წარმოადგენს თუ ამჟამინდელ ხელისუფლებას, - ასე ეხმაურება მედიის განვითარების ფონდის აღმასრულებელი დირექტორი თამარ კინწურაშვილი ქიბარ ხალვაშის განცხადებას, რომელშიც უკმაყოფილებას გამოთქვამს ბოლო პერიოდში არხის ეთერში გაკეთებული განცხადებების გამო და აღნიშნავს, რომ "სარედაქციო დამოუკიდებლობა არ ნიშნავს ვინმეს ახირებების და კაპრიზების შესრულებას".

"ორი დღის წინ ახალი მფლობელი საუბრობდა იმის შესახებ, რომ არ შეიცვლებოდა "რუსთავი 2" -ის სარედაქციო პოლიტიკა, ხოლო გუშინდელი გადაცემების შემდეგ, რომელიც არაფრით არ განსხვავდებოდა წინა გადაცემებიდან, იგივე კრიტიკული დამოკიდებულება ჩანდა ამჟამინდელი ხელისუფლების მიმართ, მან უკვე გააკეთა განცხადება, რომ აპირებს ჩაერიოს სარედაქციო პოლიტიკაში, რომელიც ჩვენი კანონმდებლობით არის დაცული. მენეჯერსაც არ აქვს უფლება ჩაერიოს და მიიღოს გადაწყვეტილებები იმ რედაქციის ნაცვლად, რომელიც დღეს სარედაქციო პოლიტიკას განსაზღვრავს", - აღნიშნა თამარ კინწურაშვილმა.

კინწურაშვილი ევროპელი ან ამერიკელი მედია მენეჯერისთვის ტელევიზიის ჩაბარების საკითხსაც აფასებს, რომელზეც ქიბარ ხალვაშის განცხადებაშია ნათქვამი და აღნიშნავს, რომ ინგლისურად მოლაპარაკე ექსპერტი არაფერს ნიშნავს.

„ცხადია, სანდო რეპუტაციის მქონე უცხოელი ექსპერტი კითხვის ნიშნებს არ ბადებს, მაგრამ ინგლისურად მოლაპარაკე ექსპერტი არაფერს არ ნიშნავს, რადგან პუტინის „რაშა თუდეიშიც" ნახავთ არაერთ ინგლისურად მოლაპარაკე უცხოელ ექსპერტს, რომელიც კრემლის პოლიტიკის გამტარებელია", - განაცხადა კინწურაშვილმა.

შეგახსენებთ, რომ „რუსთავი 2“-ის 100%-იანი წილის მფლობელი ქიბარ ხალვაში, „მაღალი რეპუტაციის და დიდი სატელევიზიო გამოცდილების მქონე ევროპელ ან ამერიკელ მედია-მენეჯერს ეძებს. ამის შესახებ ქიბარ ხალვაშის განცხადებაშია აღნიშნული, სადაც „რუსთავი 2“-ის მფლობელი უკმაყოფილებას გამოთქვამს ბოლო პერიოდში არხის ეთერში გაკეთებული განცხადებების გამო.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს