პარლამენტის დამოუკიდებელი დეპუტატი ლევან კობერიძე “რუსთავი 2“-ის საკუთრების დავის თემაზე დავით დვალსა და ჯარჯი აქიმიძეს, რამდენიმე კოლეგა დეპუტატთან ერთად, მედიისა და დაინტერესებული პირების დასწრებით, პარლამენტში, ღია ფორმატის შეხვედრის და მსჯელობის გამართვას სთავაზობს.

როგორც კობერიძე აცხადებს, აღნიშნული თემა დიდი ხანია გასცდა მხოლოდ კერძო საკუთრების კუთვნილების საკითხს და იმავდროულად, ძალიან დიდ მნიშვნელობას იძენს ქვეყანაში სამართლიანობის აღდგენის თვალსაზრისით.

“მნიშვნელოვანია, რომ ეს საკითხი არ გახდეს პოლიტიკური სპეკულაციის თემა, ამიტომ ამ ორი ადამიანის, (რომლებიც საკუთრების უფლებისათვის ძალიან დიდი ხანია იბრძვიან ) საზოგადოების ინტერესების გამომხატველ სივრცეში - პარლამენტში მოწვევას და მოსმენას აუცილებელად მივიჩნევთ.

დაველოდებით მათ მოსაზრებას მსგავსი ტიპის შეხვედრის შესახებ და პირველადი ინტერესის გამოხატვის შემთხვევაში ოფიციალურად გავუგზავნით მოწვევას“, - წერს ლევან კობერიძე “ფეისბუქის“ გვერდზე.