სირიის ქალაქ მარატ ალ-ნუმანში ავიაიერიშების შედეგად 20 ადამიანი დაიღუპა
სირიის ქალაქ მარატ ალ-ნუმანში განხორციელებული ავიაიერიშების შედეგად 20 ადამიანი დაიღუპა და ათობით ადამიანი დაშავდა, - ამის შესახებ სააგენტო „როიტერსი“ ადგილობრივ მაშველებსა და მოსახლეობაზე დაყრდნობით იუწყება.
მათი ინფორმაციით, ავიაიერიშები სირიის ან რუსეთის მოიერიშე თვითმფრინავებით განხორციელდა.
„გვამები ქუჩებში ყრია. ღმერთმა დასაჯოს პუტინიც და ასადიც თავიანთი რეჟიმების გამო,“ - განაცხადა ერთ-ერთმა მაშველმა „როიტერსთან“ საუბარში.
რუსეთისა და სირიის არმიები უარყოფენ ბრალდებებს იმის შესახებ, რომ ისინი მშვიდობიანი მოსახლეობით დასახლებული ტერიტორიების დაბომბვას ახორციელებენ და აცხადებენ, რომ მათი მიზანი მხოლოდ და მხოლოდ „ალ-ქაიდასთან“ დაკავშირებული ისლამისტი მებრძოლების წინააღმდეგ ბრძოლაა.
