ვაშლიჯვარში მდებარე 158-ე სკოლის ერთ-ერთ შენობაში 2 დღის წინ შესახლებულ დევნილებს კრიმინალური პოლიცია შენობის დატოვებას სთხოვს. ამის შესახებ „ინტერპრესნიუსს“ ერთ-ერთმა დევნილმა ნინო ანდრონიკაშვილმა განუცხადა.
„სოციალურად დაუცველები, დევნილები, უსახლკაროები და მარტოხელა დედები, რომლებიც აფხაზეთიდან და ცხინვალიდან დევნილები ვართ, გუშინ ამ შენობაში შემოვედით იმის გამო, რომ ქუჩაში ვიყავით. ორი დღეა მცირეწლოვან ბავშვებთან ერთად აქ ვცხოვრობთ. აქაურობა კრიმინალური პოლიციითაა სავსე და ხალხს შენობის დატოვებას გვთხოვს, თუმცა ჩვენ ამ შენობას არ დავტოვებთ“, -განაცხადა ერთ-ერთმა მცხოვრებმა ნინო ანდრონიკაშვილმა.
მისივე განმარტებით, „პოლიციელები მათ უხეშადაც ექცევიან“.