ანა დოლიძე - მეორდება პრაქტიკა, როდესაც ღამ-ღამობით ხდებოდა მოსამართლეების მოსმენა

მეორდება პრაქტიკა, რომელიც იუსტიციის საბჭოში იყო წლების წინ, როდესაც ღამ-ღამობით ხდებოდა მოსამართლეების მოსმენა. "ქართული ოცნება" ერთი-ერთში იმეორებს ამ პრაქტიკას,- ამის შესახებ იუსტიციის საბჭოს არამოსამართლე წევრმა ანა დოლიძემ ჟურნალისტებს განუცხადა.

დოლიძის თქმით, მას და ნაზი ჯანეზაშვილს საბჭოს მოსამართლე წევრების მხრიდან არ ეძლევათ საშუალება, საკმარისი რაოდენობის კითხვები დაუსვან უზენაესი სასამართლოს მოსამართლეობის კანდიდატებს. დოლიძე მიიჩნევს, რომ უზენაესი სასამართლოს მოსამართლეობის კანდიდატთა შერჩევას იუსტიციის საბჭო ფორსირებულ რეჟიმში ახორციელებს.

"ამის ერთადერთი მიზანია, ჩუმად, ზაფხულში, დიდი საზოგადოებრივი პროტესტის მიღმა მოხდეს მოსამართლეების დანიშვნა, აგვისტოს თვის განმავლობაში. სექტემბერ-ოქტომბერში ამ პროცესებს კი დიდი საზოგადოებრივი მსჯელობა ექნება. რა თქმა უნდა, "ქართულ ოცნებას", ამ ჯგუფს სურს, რომ მთელი ეს საზოგადოებრივი ყურადღება ამ პროცესს ასცდეს და მშვიდად, აგვისტოში, მოხდეს მოსამართლეების დანიშვნა. ამას ემსახურება ის, რომ საბჭოში გასაუბრება ღამე იყო და დღესაც ღამე იქნება. ასევე ამას ემსახურება ის, რომ ჩვენ არ გვაძლევენ დავსვათ იმდენი კითხვა, რამდენიც გვინდა", - განაცხადა დოლიძემ.

იუსტიციის უმაღლესი საბჭოში უზენაესი სასამართლოს მოსამართლეობის კანდიდატებთან გასაუბრების პროცესი მიმდინარეობს.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 22.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა