იუსტიციის უმაღლესი საბჭოს მოსამართლე წევრის, დიმიტრი გვრიტიშვილის განცხადებით, საბჭოს არამოსამართლე წევრები ნაზი ჯანეზაშვილი და ანა დოლიძე ცდილობენ, გააჭიანურონ უზენაესი სასამართლოს მოსამართლეობის კანდიდატებთან გასაუბრების პროცესი.

როგორც გვრიტიშვილმა ჟურნალისტებს განუცხადა, მიზეზი კი ისაა, რომ დოლიძის და ჯანეზაშვილის ინტერესში არ შედის მოსამართლეთა სია პარლამენტს გონივრულ ვადაში წარედგინოს.

"გასაუბრების პროცესი აჩვენებს, რომ კონკურენცია იქნება საკმაოდ მძფრი, იმიტომ, რომ როგორც მოსამართლე, ისე არამოსამართლე კანიდატების აბსოლუტური უმრავლესობა, ჩემი აზრით, თავს ძალიან კარგად წარმოაჩენს. სამწუხაროდ, გრძელდება ისევ ტენდენცია, რაც დაამკვიდრეს ანა დოლიძემ და ნაზი ჯანეზაშვილმა. ისმის ერთი და იგივე შეკითხვები სხვადასხვა კონტექსტში, მხოლოდ იმიტომ,რომ პროცესი გაჭიანურდეს. მათ არაერთხელ თქვეს,რომ იუსტიციის საბჭოს შესაძლებლობას არ მისცემენ, საგაზაფხულო სესიის დასრულებამდე ,ანუ გონივრულ ვადაში ეს სია იქნას წარდგენილი. სიჩქარეში გვდებენ ბრალს. გასაუბრებაზე მყოფმა უზენაესი სასამართმოს მოსამართლემ დაასახელა ის ვითარება, რაც შექმნილია უზენაეს სასამართლოში, მაგრამ ამ ადამიანებს ეს არ აინტერესებთ" , განაცხადა გვრიტიშვილმა.