გიგი უგულავა - უმრავლესობის უმრავლესობა გახარიას წასვლაზე ხელს მოაწერდა, გარკვეული ნაწილი კი თანახმაა, რომ შს მინისტრმა სისხლის სამართლის პასუხისმგებლობა იტვირთოს

უმრავლესობის უმრავლესობა დღეს ხელს მოაწერდა იმას, რომ გახარია წავიდეს და უმრავლესობის გარკვეული ნაწილი თანახმაა იმაზე, რომ შს მინისტრმა სისხლის სამართლის პასუხისმგებლობა იტვირთოს, - ეს განცხადება „პალიტრანიუსის“ გადაცემაში „360 გრადუსი“ „ევროპული საქართველოს“ ერთ-ერთმა ლიდერმა გიგი უგულავამ გააკეთა. მისი თქმით, უმრავლესობის წევრები ტელეკამერებთან სხვა პოზიციას აფიქსირებენ თუმცა კამერების მიღმა ამბობენ იმას, რასაც ფიქრობენ გახარიასთან დაკავშირებით.

„სადამდე მივა ოპოზიციონერი ლიდერების გამოკითხვების პროცესი და სად ჩანს ფინალი?! ამ პროცესს ფინალი არ აქვს. ეს არის გამოგონილი პროცესი, გამოგონილია მანამდე, სანამ აქტუალურია, ცხელია 20 ივნისის ტრაგედია. ეს ტრაგედია მსგავსად წინამორბედი ტრაგედიებისა, არ დაკარგავს აქტუალობას, ამიტომ ტყუილად აქვს ხელისუფლებას იმის ილუზია, რომ ეს რამენაირად გაიწოვება. არა, პირიქით, რაც უფრო დიდხანს და რაც უფრო შორს გაწელავს გახარაის არგადაყენების ზამბარას ივანიშვილი, მით უფრო მწარედ მოხვდება ცხვირში. ამიტომ მე არ ველოდები, რომ რაიმე არსებითი იქნება, თუ ივანიშვილმა არ მიიღო გადაწყვეტილება უბრალოდ, პოლიტიკური რეპრესიების ჩატარების. 215 მუხლით, რაც სახელწმიფოს წინააღმდეგ შეთქმულებას გულისხმობს, სამი საქმეა აღძრული. არც ერთი საქმე არ არის გამოძიებული. ამ ფონზე გახარიას საუბარი ინგა გრიგოლიას გადაცემის შემდეგ, სერიოზულად აღარ უნდა აღვიქვათ. ეს იყო ჯიბრში ჩამდგარი, უტიფარი, შეშინებული ადამიანის საუბარი. მე მაგას სერიოზულად ვერ აღვიქვამ, მეტსაც გეტყვით, გახარიას სერიოზულად უმრავლესობაც ვერ აღიქვამს. უმრავლესობის უმრავლესობა დღეს ხელს მოაწერდა იმას, რომ გახარია წავიდეს და უმრავლესობის გარკვეული ნაწილი თანახმაა იმაზე, რომ გახარიამ სისხლის სამართლის პასუხისმგებლობა იტვირთოს. გახარია უნდა წავიდეს და გახარია აუცილებლად წავა“- განაცხადა გიგი უგულავამ.

იხილეთ ვიდეო

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ზაზა ფაჩულიამ „არქი“ იყიდა