შალვა თადუმაძე - ჩემი რეკომენდატორებიდან ირაკლი სესიაშვილი და კობა კობალაძე არიან ჩემი მეგობრები, მაია ცქიტიშვილთან წლები ვიმუშავე, მათ ზუსტად იციან ჩემი კვალიფიკაცია

რეკომენდატორების ნაწილში, სამივე ადამიანი არის ის ადამიანი, რომელმაც ზუსტად იცის ჩემი კვალიფიკაცია. არც ერთი მათგანი არ არის პოლიტიკური ნიშნით შერჩეული, არც ერთი მათგანი არ არის მმართველ პარტიასთან გაიგივების ნიშნით შერჩეული,- ამის შესახებ გენერალურმა პროკურორმა, უზენაესი სასამართლოს მოსამართლეობის კანდიდატმა იუსტიციის საბჭოში გასაუბრების დროს განაცხადა, რითაც განმარტა, რატომ ჰყავს კანდიდატად რეგისტრირების დროს მითითებული აღმასრულებელი და საკანონმდებლო ხელისუფლების წარმომადგენლები.

როგორც შალვა თადუმაძემ განაცხადა, რეგიონული განვითარებისა და ინფრასტრუქტირის მინისტრ მაია ცქიტიშვილთან, ასევე დეპუტატ ირაკლი სესიაშვილთან რამდენიმეწლიანი მუშაობის გამოცდილება აქვს. მისივე თქმით, კობა კობალაძე მისი მეგობარია. შესაბამისად, თადუმაძის განმარტებით, სამივე ადამიანი არის ის ადამიანი, ვინც მასთან დაკავშირებით კომპეტენციის ფარგლებში ცნობებს კარგად ფლობს.

"მე შემიძლია ეს ლოგიკა დაგანახოთ, რატომ იქნა ეს შერჩეული. ირაკლი სესიაშვილთან ერთად გავატარე 11 წელი არასამთავრობო ორგანიზაციაში. ის იყო ჩემი ხელმძღვანელი და ამ ქვეყანაში, თუ ვინმემ იცის ჩემი კვალიფიკაცია, იცის ირაკლი სესიაშვილმა. ბუნებრივია, არამხოლოდ კვალიფიკაცია, არამედ თვისებები, იმიტომ, რომ მე და ირაკლი ვართ მეგობრები.

კიდევ თუ ვინმემ იცის, რა პროფესიული და ადამიანური შესაძლებლობები გამაჩნია, ეს იცის მაია ცქიტიშვილმა, რადგან მე და მან მთავრობის ადამინისტრაციაში ერთად ვიმუშავეთ 6 წელი. ის იყო ადმინისტრაციის ხელმძღვანელი, მე ვიყავი მთავრობის საპარლამენტო მდივანი. ჩვენ მუშაობის კვეთა გვქონდა ერთმანეთთან, თუნდაც იმიტომ, რომ ადმინისტრაციულ უზრუნველყოფას - საპარლამენტო მდივნის ოფისის უზრუნველყოფდა მთავრობის ადმინისტრაცია. შესაბამისად, მე გარკვეული ოპერატორულ დაქვემდებარებაში მყავდა მთავრობის ადმინისტრაციის იურიდიული დეპარტამენტი. მე ვახორციელებდი იმ სამართლებრივი აქტების სამართლებრივ ექსპერტიზას და ვიზირებას, რომელზეც ქალბატონ მაიას და შემდეგ პრემიერ-მინისტრს ხელი უნდა მოეწერა. შესაბამისად, ქალბატონმა მაიამ იცის ჩემი თვისებები და ჩემო კვალიფიკაცია.

კობა კობალაძე, არის ჩემი მეგობარი, ასევე პარლამენტის წევრი. ის არის ერთადერთი ბრალდებული, რომელიც შევძელი, რომ სასამართლოს დარბაზიდან გამომეყვანა, მაშინ, როდესაც გამამართლებელი განაჩენების მაჩვენებლები არც ისე მაღალი იყო. ამიტომ ეს არის ის ხალხი, რომლებმაც ზუსტად იცან ჩემი შესაძლებლობები და აქ არანაირი პოლიტიკური სიმპათიები არ არის", - განაცხადა თადუმაძემ.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა