ირაკლი  ოქრუაშვილი - ივანიშვილმა გასცა ბრძანება ანზორ ჩუბინიძის მეშვეობით, რომ მომიტინგეები დაერბიათ

ივანიშვილმა გასცა ბრძანება ანზორ ჩუბინიძის მეშვეობით, რომ დაერბიათ მომიტინგეები, - ამის შესახებ თავდაცვის ყოფილმა მინისტრმა ირაკლი ოქრუაშვილმა ჟურნალისტებს თბილისის საქალაქო სასამართლოში დაკითხვის შემდეგ განუცხადა.

როგორც ირაკლი ოქრუაშვილმა აღნიშნა, ის ბიძინა ივანიშვილის გამოკითხვის საჭიროებასაც ხედავს.

„ის არის ამ ქვეყანაში ყველა მნიშვნელოვანი გადაწყვეტილების მიმღები. მის გარეშე ამ გადაწყვეტილებას ვერ მიიღებდა ვერავინ რომ დაერბიათ მომიტინეგეები. ივანიშვილმა გასცა ბრძანება ანზორ ჩუბინიძის მეშვეობით, რომ დაერბიათ ისინი“, - განაცხადა ოქრუაშვილმა.

რაც შეეხება შინაგან საქმეთა მინისტრის, გიორგი გახარიას გამოკითხვას აღნიშნულ საკითხთან დაკავშირებით, ოქრუაშვილმა აღნიშნა, რომ გვერდიგვერდ ორი შენობის მაღალჩინოსნები „ერთმანეთის ტყავს“ არ დახევენ.

„წარმოდგენა არ მაქვს გახარიას გამოკითხვაზე. გვერდიგვერდ ორი შენობის მაღალჩინოსნები ერთმანეთის ტყავს არ დახევენ არავითარ შემთხვევაში“, - განაცხადა თავდაცვის ყოფილმა მინისტრმა.

გარდა ამისა, ჟურნალისტები დაინტერესდნენ, რატომ არ მოუწოდა ოქრუაშვილმა მომიტინგეებს სიმშვიდისკენ და დაშლისკენ მას შემდეგ, რაც პარლამენტის შენობის წინ სიტუაცია დაიძაბა, რაზეც თავდაცვის ყოფილმა მინისტრმა უპასუხა, რომ ის ხალხს აშოშმინებდა.

„ვინ გითხრათ, რომ არ მოვუწოდებდი ხალხს. წინა რიგებში ვიდექი და ხალხს ვაშოშმინებდი. ამოიღეთ კადრები და ნახავთ, პარლამენტის წინა მხრიდანაც და გვერდიდანაც ჩანან ამ კადრებში და ხალხს მეტ-ნაკლებად ვაწყნარებ“, - განაცხადა ოქრუაშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს