სოფო ვერძეული - უხერხულია შალვა თადუმაძის მოსამართლეობის კანდიდატის სტატუსში ნახვა, გაუგებარია, რატომ აღარ სურს მას გენერალური პროკურორობა

ჩემთვის არამარტო უცნაურია, უხერხულიც არის გენერალური პროკურორის ამ სტატუსში ნახვა, მითუმეტეს, როდესაც ერთი წლის დანიშნულია ამ თანამდებობაზე, - ამის შესახებ „ადამიანის უფლებებისა და მონიტორინგის სწავლების ცენტრის“ ხელმძღვანელმა სოფო ვერძეულმა ჟურნალისტებს უზენაესი სასამართლოს მოსამართლედ განმწესების თაობაზე შალვა თადუმაძის სურვილზე კომენტირებისას განუცხადა.

ვერძეულის თქმით, გაუგებარია თადუმაძეს რატომ აღარ სურს გენერალური პროკურორობა და სურს, რომ გახდეს მოსამართლე.

“ჩემთვის არამარტო უცნაურია, უხერხულიც არის გენერალური პროკურორის ამ სტატუსში ნახვა, მითუმეტეს, როდესაც ერთი წლის დანიშნულია ამ თანამდებობაზე. ჩემი აზრით, მან მნიშვნელოვანი და სერიოზული ეტაპები გაიარა შერჩევის და კონკრეტული ხედვით მივიდა იმ უწყებაში, სადაც მივიდა, ამიტომ მე ვერ ვხსნი ერთი წლის თავზე როგორ შეიძლება გენერალური პროკურორი, რომლის ამ ერთწლიან საქმიანობასთან დაკავშირებით ძალიან ბევრი კითხვაა, როგორ შეიძლება ახლა ამბობდეს, რომ აღარ სურს გენერალური პროკურორობა და ურჩევნია იყოს მოსამართლე. ეს რა ტიპის პროფესიული არჩევანი, რა ტიპის განაცხადია საერთოდ თანამდებობის პირის მხრიდან, ჩემთვის არის გაუგებარი და უხერხულიც კი,“ - განაცხადა ვერძეულმა.

იხილეთ ვიდეო:

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა