პაატა სალია - არ ვთვლი, რომ „რუსთავი 2“-მა რაიმე გადაწყვეტილება უნდა გაასაჩივროს, მითუმეტეს, რომ ასეთი საფუძველი აღარ არსებობს

მე არ ვთვლი, რომ რაიმე გადაწყვეტილება სამაუწყებლო კომპანია „რუსთავი 2“-მა უნდა გაასაჩივროს, მითუმეტეს, რომ ასეთი მექანიზმი და საფუძველი უკვე აღარ არსებობს, - ამის შესახებ “რუსთავი 2“-ის გენერალურმა დირექტორმა პაატა სალიამ არხის ერთ-ერთი იურისტის განცხადების საპასუხოდ განაცხადა, რომლის თანახმადაც, დიმიტრი საძაგლიშვილი გეგმავს გაასაჩივროს იუსტიციის სამინისტროს გადაწყვეტილება, როგორც ქიბარ ხალვაშის საკუთრების რეგისტრაციის ნაწილში, ისე გენერალური დირექტორის რეგისტრაციის ნაწილშიც.

როგორც სალიამ აღნიშნა, მისთვის უცნობია, რა სტატუსით აპირებს იურისტი გადაწყვეტილების გასაჩივრებას.

„ჩემთვის ცოტა გასაკვირი იყო ისეთი კვალიფიკაციის მქონე ადვოკატისგან და იურისტისგან, როგორიც არის ჩვენი არხის ერთ-ერთი იურისტი, ეს ყველაფერი. იგი საუბრობდა, რომ აპირებს რაღაც გადაწყვეტილების გასაჩივრებას. მე არ ვიცი, რა სტატუსით შეეცდება ის ამის გაკეთებას და თუ ის თვლის, რომ აღარაა გუნდის ნაწილი და ამ კომპანიის თანამშრომელი, არჩევანი მისია. ეს კომპანია დღეს არის ქიბარ ხალვაშის საკუთრება, მე ვარ ამ კომპანიის დირექტორი და მე არ ვთვლი, რომ რაიმე გადაწყვეტილება სამაუწყებლო კომპანია „რუსთავი 2“-მა უნდა გაასაჩივროს, მითუმეტეს, რომ ასეთი მექანიზმი და საფუძველი უკვე აღარ არსებობს“, - განაცხადა პაატა სალიამ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს