ლევან ხაბეიშვილი - მინდა, ბოდიში მოგიხადოთ, რომ ნერვებს გიშლით - პროტესტის ნიშნად კი არა, სიყვარულის გამო ვტოვებ საკრებულოს  სხდომას

თბილისის საკრებულოს წევრმა ლევან ხაბეიშვილმა სხდომათა დარბაზი დატოვა. მან სხდომის დატოვების მიზეზად განმარტა, რომ ის არ აპირებს ხელი შეუშალოს თავის კოლეგებს თბილისელების კეთილდღეობისთვის მუშაობაში. მისი თქმით, სხდომას ის "არა პროტესტის ნიშნად, არამედ სიყვარულის გამო ტოვებს".

"ჩვენ ხომ ვიცით ხოლმე, რომ პროტესტი ნიშნად ვტოვებთ დარბაზს. პირიქით, მე სიყვარულის გამო და იმის გამო დავტოვებ, ხელი რომ არ შეგიშალოთ, რომ ძალიან ბევრი იმუშაოთ თბილისელების კეთილდღეობისთვის", - განაცხადა ხაბეიშვილმა.

მან იმ გასახილველი საკითხების შესახებაც გააკეთა განმარტება, რაზეც ამ საკრებულოს სხდომაზე მსჯელობენ. ხაბეიშვილის განცხადებით, საკრებულოს სხდომაზე განსახილველი 52-ვე საკითხი "თბილისელებზეა ორიენტირებული".

"52-ვე საკითხი, რომელსაც გავეცანი, ყველა ერთი მეორეზე უკეთესია. ყველა საკითხი, რაც წამოჭერით, არის თბილისელებზე ორიენტირებული. ყველა საკითხს ეტყობა, რომ არის ნამუშევარი, ნაშრომი", - განაცხადა ხაბეიშვილმა.

მან „ბოდიში“ მოიხადა იმისთვის, რომ ამ ხნის განმავლობაში საზოგადოება შეცდომაში შეჰყავდა, როცა მათი გაჭირვების შესახებ საუბრობდა.

"ჩემო კოლეგებო, ერთი თქვენი თანაპარტიელია, მან იცის ასე თქმა - "მინდა დავიწყო ბოდიშით". მეც მინდა, ბოდიში მოგიხადოთ, რომ ამ ხნის განმავლობაში საზოგადოება შეგვყავდა შეცდომაში, რომ თქვენ, მერიის თანამშრომლები კორუფციაში იყვნენ გასვრილები. რა სისულელეა, არანაირი კორუფცია ქვეყანაში არ არის. ასევე მინდა ბოდიში მოგიხადოთ, რომ ამ ხნის განმავლობაში მე მქონდა შესაძლებლობა, რომ მომეტყუებინა ხალხი და მეთქვა, რომ ამ ადამიანებს უჭირთ, არადა, უბრალოდ გამოაღებენ მაცივარს და ყველაფერი არის კარგად. ხაბეიშვილი დგას და იტყუება საკრებულოს სხდომათა დარბაზში. მე ამის გამო ძალიან ვწუხვარ. რაც კალაძე გახდა დედაქალაქის მერი, ქვეყანაში ხომ კარგის მეტი არაფერი არ ხდება. ამის შემდეგ სერიოზული აღმშენებლობაა და ამის დანახვა როგორ არ შეიძლება? მინდა, რომ ბოდიში მოგიხადოთ, რომ მე აქ ნერვებს გიშლით, თორემ ყველამ კარგად იცის რომ თბილისში არც ეკონომიური პრობლემები აღარ არის, არც სოციალური პრობლემა", - განაცხადა ხაბეიშვილმა.

იხილეთ ვიდეო:

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა