რა განზრახვა ჰქონდათ 90-ანებში, როდესაც რაგბის კავშირს აძლევდნენ ამ მიწას, გარდა დეკლარირებულისა, არ ვიცი, - ამის შესახებ საკრებულოს წევრმა ბექა დავითულიანმა, რაგბის კავშირისთვის მიწის გადაცემაზე საუბრისას, საკრებულოს სხდომის დასრულების შემდეგ განაცხადა.
მისი განმარტებით, რაგბის კავშირის განაშენიანების რეგულირების უკვე დამტკიცებულ გეგმაში, კორექტირებით მოხდა მდგომარეობის გაუმჯობესება. ,,ფაქტია, რომ გრგ დამტკიცებულია და ახალი გრგ-ს დამტკიცებით, ჩვენ ვაუმჯობესებთ პირობებს. რამდენიმე რამ მინდა გაიგოს საზოგადოებამ: ერთი, რომ ეს მზიურის ტერიტორია არ არის და არის მე-9 საავადმყოფოს ჩასახვევი. ეს ტერიტორია ედუარდ შევარდნაძის დროს გადაეცა რაგბის კავშირს. "ნაციონალური მოძრაობის" მმართველობის პერიოდში მოეხსნა ვალდებულება და წარმოიქმნა კანონიერი ინტერესი განაშენიანების, მიიღო გრგ. შესაბამისად, დღეს რომ ჩვენ ეს გადაწყვეტულება არ მიგვეღო, ააშენებდნენ 60 ათასს კვადრატს ძველი გრგ-თი, ნაცვლად ახალი გრგ-თი დაკლებული 40 ათასისა'', - განაცხადა დავითულიანმა.