საქართველოს პარლამენტის თავმჯდომარე, არჩილ თალაკვაძე უკრაინელ ხალხს საპარლამენტო არჩევნების წარმატებით ჩატარებას ულოცავს. ამის შესახებ ინფორმაციას საქართველოს პარლამენტის პრესსამსახური ავრცელებს.

„უკრაინელ ხალხს ვულოცავ საპარლამენტო არჩევნების წარმატებით ჩატარებას. თავისუფლად, სამართლიანად და გამჭვირვალედ ჩატარებული არჩევნები არის ფუნდამენტი უკრაინის შემდგომი დემოკრატიული განვითარებისა და ეკონომიკური კეთილდღეობისთვის. დარწმუნებული ვარ, რომ არჩევნების შემდეგ, ჩვენს ქვეყნებს შორის არსებული ურთიერთობები და საპარლამენტო თანამშრომლობა კიდევ უფრო აქტიური და შედეგიანი იქნება“, - აღნიშნულია არჩილ თალაკვაძის განცხადებაში.