გია ხუხაშვილი - ირაკლი ოქრუაშვილის ყველა განცხადება გამოძიების დაწყების საფუძველია, რასაც ხელისუფლება არ აკეთებს

ოქრუაშვილი ერთადერთია ყანდურის თონეში ატეხილ ვაკხანალიაში, რომელმაც ზუსტად იცის, რა უნდა და მიდის თავისი მიზნისკენ - მისი ყველა განცხადება გამოძიების დაწყების საფუძველია, რასაც ხელისუფლება არ აკეთებს, - ამის შესახებ ექსპერტმა გია ხუხაშვილმა „ინტერპრესნიუსს“ განუცხადა.

„ოქრუაშვილის საკმაოდ ეპატაჟური გამოსვლები, ფაქტობრივად, ყველაფერი აღიარებითი ჩვენებაა. რაც მთავარია, ის საუბრობს სისტემურ დანაშაულზე, ეს არ იყო მისი პირადი, არამედ, იყო ხელისუფლების სახელით ჩადენილი დანაშაული. როგორც ჩანს, ამ დანაშაულს დღევანდელ ხელისუფლებაშიც ჰყავს თავისი თანამონაწილეები და ამიტომ არ არის დაინტერესებული ხელისუფლება, რეაგირება მოახდინოს მის ამ განცხადებებზე. ოქრუაშვილი ამას მშვენივრად ხდება და მუდმივად პროვოცირებაც ახდენს, ფაქტობრივად, აშიშვლებს იმ მანკიერებას, რა უბედურებაშიც დღეს გვიწევს ცხოვრება. ის ამბობს, რომ ილაპარაკებს დანაშაულებრივ ქმედებებზე, მაგრამ ხელს ვერ მოჰკიდებენ, რადგან თუ მოჰკიდებენ, ამ შემთხვევაში გაიხსნება პანდორას ყუთი და ყველა მის გვერდით იჯდება. ვიღაცები ხუმრობენ ამ განცხადებებზე და სიბრიყვეში უთვლიან ამას ოქრუაშვილს. მე ვფიქრობ, სინამდვილეში ოქრუაშვილი ერთადერთი ადამიანია, რასაც ჰქვია, ამხელა საგიჟეთში, ყანდურის თონეში ატეხილ ვაკხანალიაში, რომელმაც ზუსტად იცის, რა უნდა და მიზანმიმართულად მიდის თავისი მიზნისკენ“, - განაცხადა ხუხაშვილმა.

ექსპერტის თქმით, ირაკლი ოქრუაშვილის ყველა განცხადება გამოძიების დაწყების საფუძველია, რასაც ხელისუფლება არ აკეთებს.

„როდესაც ასეთი ბრალდება ისმის ოქრუაშვილის მხრიდან, ივანიშვილის დავალებით პროკურატურამ ყალბი ჩვენება დამაწერინაო, ეს უმძიმესი ბრალდებაა. აქ ორი ვარიანტია - ან ოქრუაშვილი ცილს სწამებს ხელისუფლებას და დანაშაულს ის სჩადის, ან მართლა მოხდა ის ფაქტი და შესაბამისად, ხელისუფლებამ ჩაიდინა მძიმე დანაშაული. ხელისუფლება თავს იბრიყვებს, ცდილობს, არ შეიმჩნიოს, რაც ძალიან მძიმე საყურებელია. რატომ? ერთადერთი შეგვიძლია ვივარაუდოთ, რომ ეტყობა, ამ საქმეებთან დაკავშირებით თვითონაც არ გამოიყურება მაინცდამაინც კარგად. ოქრუაშვილი პროვოცირებას სულ ახალი და ახალი ეპიზოდებით ახდენს. ვფიქრობ, მისი ამოცანა ძალიან მარტივია: ჩვენ ყველამ ერთად რაღაც დანაშაული ჩავიდინეთ, ყველამ ერთად აქედან რაღაც მიიღო და მე დავრჩი „გადაგდებული“, გადაიხადეთ ჩემი წილიო. ბუნებრივია, მას შეუძლია, დაიწყოს აღიარებითი ჩვენებები, რომ აიძულოს ყოფილ პარტნიორებს, მისცენ ის, რაც ეკუთვნის, თუ არა და, მზად არის, ყველაფერი გააშიშვლოს“, - განუცხადა ხუხაშვილმა „ინტერპრესნიუსს“.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს