„თიბისი ბანკის“ დამფუძნებელი მამუკა ხაზარაძე გენერალურ პროკურატურაში მივა. როგორც „ინტერპრესნიუსს“ მისმა ადვოკატმა განუცხადა, ხაზარაძე მედიასთან კომენტარს პროკურატურის მიერ მისთვის და ბადრი ჯაფარიძისთვის ბრალის წარდგენასთან დაკავშირებით სწორედ უწყებასთან გააკეთებს. პროკურატურაში მისვლას აპირებს ბადრი ჯაფარიძეც.

გენერალურმა პროკურატურამ "თიბისი ბანკის" დამფუძნებლებს - მამუკა ხაზარაძეს და ბადრი ჯაფარიძეს ბრალი წარუდგინა.

როგორც უწყებაში გამართულ ბრიფინგზე განაცხადეს, ხაზარაძესა და ჯაფარიძეს ბრალი ედებათ ჯგუფურად, 16 754 000 ამერიკული დოლარის უკანონო შემოსავლის ლეგალიზაციის ფაქტზე.

ხაზარაძე და ჯაფარიძე უწყებაში 17:00 საათზე არიან დაბარებულები.