ქიბარ ხალვაში - “რუსთავი 2”-ში მივალ, როცა პირობას მომცემენ, რომ კამერებით არ დამახრჩობენ - „კურიერი“ ძალიან მომწონს, არაფერს შევცვლიდი

“რუსთავი 2”-ში მივალ, როცა მიმიწვევენ და პირობას მომცემენ, რომ არ დამახრჩობენ კამერებით. პირობას გაძლევთ, რომ აუცილებლად მივალ, - ეს განცხადება ექსპერტიზის ბიუროდან გამოსვლის შემდეგ “რუსთავი 2”-ის მფლობელმა ქიბარ ხალვაშმა ჟურნალისტებთან საუბარში გააკეთა.

მისივე თქმით, არ გეგმავს “კურიერის” და არხის სარედაქციო პოლიტიკაში ჩარევას და ფინანსური პრობლემების მოგვარებაც გადაწყვეტილი აქვს.

„კურიერი მომწონს ძალიან, ვუყურებ ხშირად. არაფერს არ შევცვლიდი, მშვენიერია. ძალიან ბევრი გეგმა მაქვს. არც ერთ კვალიფიციურ ადამიანს სამსახურიდან არ გავათავისუფლებ, ვინც კომპანიას სარგებელს მოუტანს, იმიტომ, რომ ყველა კვალიფიციური ადამიანის დონე განსაზღვრავს კომპანიის დონეს. რა არის გარანტია რომ არაფერს შევცვლი?! თუ ჩაუღრმავდებით და ვიწროდ არ განიხილავთ, მიხვდებით - იმისთვის, რომ ბიზნესი დიდხანს იყოს და მომგებიანი იყოს, საჭიროა კადრები იყოს პროფესიონალი, ხალხმა უყუროს, არხს ჰქონდეს რეიტინგი და ადამიანმა იყიდოს რეკლამა.

რაც შეეხება მედიამენეჯერს, ჯერ შერჩეული არ მყავს და მოლაპარაკებები არ მაქვს დაწყებული“, - განაცხადა ქიბარ ხალვაშმა.

ჟურნალისტების კითხვაზე: აქვს თუ არა არხს ფინანსური პრობლემები, ხალვაშმა „რუსთავი 2“-ის ჟურნალისტს მიმართა:

„თქვენ თუ არ გააკოტრებთ კომპანიას, თქვენი შრომით მე არ გავაკოტრებ. როგორ შეიძლება გააკოტროთ?! - საბოტაჟით, შეიძლება არ იმუშაოთ, კოლექტივზეა დამოკიდებული. ჩვენ ერთად უნდა გავაკეთოთ საერთო საქმე. ნამდვილად მძიმე ფინანსური მდგომარეობაა, თუმცა გამოუსწორებელიაო, არ გვითქვამს“, - განაცხადა ხალვაშმა და იქვე არ გამორიცხა, რომ შესაძლოა, „რუსთავი 2“-ში დღესვე მივიდეს, თუმცა ისიც აღნიშნა, რომ პაატა სალიას მისვლის შემდეგ იგი კომპანიაში მიმდინარე პროცესებში უშუალოდ ჩართულია.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს