გურამიშვილზე 2 ახალგაზრდა მამაკაცი კორპუსის მე-6 სართულზე, სავარაუდოდ, ცეცხლსასროლი იარაღით მოკლეს
გურამიშვილის გამზირზე მკვლელობა საცხოვრებელ კორპუსში მე-6 სართულზე მოხდა. მოკლულია ორი მამაკაცი. როგორც „ინტერპრესნიუსის“ კორესპონდენტი შემთხვევის ადგილიდან იუწყება, სავარაუდოდ, მკვლელობა ცეცხლსასროლი იარაღით, მოხდა.
შემთხვევის ადგილზე ექსპერტ კრიმინალისტები მუშაობენ. როგორც შს სამინისტროში "ინტერპრესნიუსს " განუცხადეს, მომხდარზე გამოძიება სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს.
