ივნისში კომერციული ბანკების მთლიანი აქტივები 1.8 მლრდ ლარით, 43.1 მლრდ ლარამდე გაიზარდა. კომერციული ბანკების აქტივების მდგომარეობის შესახებ ინფორმაციას საქართველოს ეროვნული ბანკი აქვეყნებს.

სებ-ის ინფორმაციით, 2019 წლის პირველი ივლისის მდგომარეობით, საქართველოს საბანკო სექტორი 15 კომერციული ბანკითაა წარმოდგენილი; მათ შორის 14 - საწესდებო კაპიტალში უცხოური კაპიტალის მონაწილეობით. ივნისში, წინა თვესთან შედარებით, საქართველოს კომერციული ბანკების მთლიანი აქტივები (მიმდინარე ფასებში) 1.8 მლრდ ლარით, ანუ 4.5 პროცენტით გაიზარდა (გაცვლითი კურსის ეფექტის გარეშე 3.1 პროცენტით) და 2019 წლის პირველი ივლისისათვის 43.1 მლრდ ლარი შეადგინა.

ამასთან, საბანკო სექტორის საკუთარი სახსრები 5.2 მლრდ ლარს შეადგენს, რაც კომერციული ბანკების მთლიანი აქტივების 12.1 პროცენტია.