პარიზში აბსოლუტური ტემპერატურული რეკორდი დამყარდა. თერმომეტრმა 40,6 გრადუსი დააფიქსირა, - იტყობინება საფრანგეთის მეტეოროლოგიური სამსახური Meteo France. აღნიშნული ტემპერატურა დაფიქსირდა ადგილობრივი დროით 13:36 საათზე პარიზის პარკ მონსურის რაიონში.

გუშინ საფრანგეთის 20 ქალაქში, მათ შორის დედაქალაქში, სიცხის გამო გაფრთხილების უმაღლესი წითელი დონე შემოიღეს.

სიცხის ანომალური მატება ზაფხულის მიმდინარე სეზონზე, პირველად ივნისის ბოლოს, საფრანგეთის სხვა რამდენიმე ქალაქში დაფიქსირდა. ზოგიერთ ქალაქში ტემპერატურამ 40 გრადუსს გადააჭარბა, რაც მანამდე არსებულ მაჩვენებელზე რეკორდული იყო.