გეგმიური სარეაბილიტაციო სამუშაოების გამო, ელექტროენერგიის მიწოდება შეეზღუდება „ენერგო-პრო ჯორჯიას“ აბონენტების ნაწილს. ამის შესახებ „ინტერპრესნიუსს“ „ენერგო-პრო ჯორჯიადან“ აცნობეს.
„ქსელის გეგმიური სარეაბილიტაციო სამუშაოების გამო, 26 ივლისს ელექტროენერგიის მიწოდება 15:30-დან 18:30 საათამდე შეეზღუდება სოფლებს: წოდორეთი, მსხალდიდი, ლისი, ბევრეთი და მიმდებარე სოფლებს;
15:00-დან 18:00 საათამდე მცხეთის მუნიციპალიტეტში სოფლებს: ბიწმენდი, ჯიღაურა, საგურამო, ნავდარაანთკარი, გალავანი.
12:00-დან 18:00 საათამდე დუშეთის მუნიციპალიტეტის სოფლებს: არღუნი, ტონჩა, დუდაურები, ველთაურთკარი და მიმდებარე სოფლებს. ასევე, 15:00-დან 18:00 საათამდე სოფელ ახატანს.
სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება“, - აღნიშნულია „ენერგო-პრო ჯორჯიას“ მიერ გავრცელებულ ინფორმაციაში.