საავტომობილო გზების დეპარტამენტი - წიწამური-საგურამო-ცხვარიჭამიას გზის რეაბილიტაცია აქტიურად მიმდინარეობს

შიდასახელმწიფოებრივი მნიშვნელობის წიწამური-საგურამო-ცხვარიჭამიას საავტომობილო გზაზე 11 კმ-იანი მონაკვეთის რეაბილიტაცია დასრულების ეტაპზეა. ამის შესახებ ინფორმაციას საავტომობილო გზების დეპარტამენტი ავრცელებს.

მათივე ცნობით, ამ დროისთვის, ასფალტ-ბეტონის საფარის მოწყობის სამუშაოები მიმდინარეობს.

„გზა ძლიერ დაზიანებული იყო და არსებული ასფალტ-ბეტონის საფარი ფრაგმენტულად შემორჩენილი, ხოლო გზის დანარჩენი ნაწილი ხრეშოვანი, რაც გადაადგილებას აფრეხებდა. პროექტის ფარგლებში, ხორციელდება გზის სრული რეაბილიტაცია. კერძოდ, იგება ასფალტ-ბეტონის საფარი, რეაბილიტირდება ხელოვნური ნაგებობები, ადგილობრივ გზებთან მიერთებები და საგზაო ნიშნები, ასევე განხორციელდება გზის შემოფარგვლა და ჰორიზონტალური მონიშვნა.

შიდასახელმწიფოებრივი მნიშვნელობის წიწამური-საგურამო-ცხვარიჭამიას საავტომობილო გზით სარგებლობენ ადგილობრივი მაცხოვრებლები და დამსვენებლები. ამავდროულად, აღნიშნული გზის კეთილმოწობას, დიდი მნიშვნელობა ენიჭება ტურისტული ინფრასტრუქტურის განვითარების თვალსაზრისით. პროექტი ორ მონაკვეთადაა დაყოფილი. სამუშაოები სახელმწიფო ბიუჯეტიდან ფინანსდება და მისი ჯამური ღირებულება 7.3 მლნ. ლარია“, - აღნიშნულია საავტომობილო გზების დეპარტამენტის ინფორმაციაში.

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 19.08.2019
გავლენის ოპერაციები ანუ „მკვლელობათა ჯაჭვი“