ნავალნის ორგანიზაციის იურისტი, რომელიც საარჩევნო კომისიის შენობაში შიმშილობდა, შენობიდან დივნიანად გამოიყვანეს

„კორუფციასთან ბრძოლის ფონდის“ (ალექსეი ნავალნის ორგანიზაცია) იურისტი ლიუბოვ სობოლი, რომელიც მოსკოვის საარჩევნო კომისიის შენობაში პროტესტის ნიშნად შიმშილობდა და შენობის დატოვებაზე უარს აცხადებდა, დღეს პოლიციელებმა იმ დივნიანად გამოიყვანეს გარეთ, რომელზეც იწვა. ის ოფიციალურად დააკავეს, თუმცა შემდეგ გაუშვეს.

სობოლი მოსკოვის დროით 11 საათზე დაკითხვაზეა დაბარებული. მისთვის არ შეუტყობინებიათ თუ რომელ სისხლის სამართლის საქმეზე იბარებენ, თუმცა ოპოზიციონერების წინააღმდეგ აღძრულია საქმე საარჩევნო კომისიების საქმიანობისთვის ხელის შეშლის თაობაზე.

ლიუბოვ სობოლი ითხოვს რუსეთის ცენტრალური საარჩევნო კომისიის თავმჯდომარესთან ელა პამფილოვასთან შეხვედრას და მზად არის მას პირადად გადასცეს ხელმოწერების დამოუკიდებელი ექსპერტიზის დასკვნა. სობოლს, ისევე როგორც სხვა ოპოზიციონერების უმრავლესობას, ძირითადად წარდგენილი ხელმოწერები დაუწუნეს.

მოსკოვის ქალაქის სათათბიროს მომავალ არჩევნებში ოპოზიციონერი კანდიდატებისთვის უარის თქმა ფედერალური მასშტაბის სკანდალად იქცა. ოპოზიციამ მომხრეები ქუჩაში გამოიყვანა არასანქცირებულ მიტინგებზე.ხელისუფლებამ მათ წინააღმდეგ სისხლის სამართლის საქმე აღძრა. ოპოზიციონერი კანდიდატების უმრავლესობა გუშინ დაკითხეს.

ხვალ დაგეგმილია მასშტაბური საპროტესტო აქცია.

ამ ინფორმაციას „ბი-ბი-სი“ ავრცელებს.

იხილეთ ვიდეო: ნავალნის ორგანიზაციის იურისტი, რომელიც საარჩევნო კომისიის შენობაში შიმშილობდა, შენობიდან დივნიანად გამოიყვანეს

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო