„ევროპული საქართველო" „თიბისი ბანკის" საქმესთან დაკავშირებით საგამოძიებო კომისიის შექმნის ინიციატივით კვლავ გამოდის

"ევროპული საქართველო" საქართველოს გადამხდელთა კავშირის განცხადების საფუძველზე, "თიბისი ბანკისა" და მისი თანადამფუძნებლების საქმესთან დაკავშირებით, დროებითი საგამოძიებო კომისიის შექმნის ინიციატივით გამოდის. როგორც ჟურნალისტებს პარტიის ერთ-ერთმა ლიდერმა, დეპუტატმა ზურაბ ჭიაბერაშვილმა განუცხადა, ქვეყანაში არსებული მძიმე სოციალურ-ეკონომიკური პრობლემები სწორედ ამ საკითხს უკავშირდება და აღნიშნავს, რომ ის ძირეულ შესწავლას საჭიროებს.

"ზამთარში როგორც კი პროცესები დაიწყო "თიბისი ბანკთან" , ხაზარაძესა და ჯაფარიძესთან მიმართებით, "ევროპულმა საქართველომ" მოითხოვა საგამოძიებო კომისიის შექმნა, რათა არ დამფრთხალიყვნენ ინვესტორები. არა მხოლოდ ბანკები, არამედ ქართული ეკონომიკა არ განიცდიდა ზარალს და არ მივიღებდით იმას, რაც დღეს ყველაზე კარგად ლარის კურსშია ასახული. მმართველი პარტია კვლავ უძალიანდება ამას, თუმცა ჩვენ, გადამხდელთა კავშირის განცხადების ფონზე კვლავ ვაყენებთ საგამოძიებო კომისიის შექმნის საკითხს", - განაცხადა ზურაბ ჭიაბერაშვილმა.

გადასახადის გადამხდელთა კავშირი მამუკა ხაზარაძისა და ბადრი ჯაფარიძის ირგვლივ განვითარებულ მოვლენებთან დაკავშირებით განცხადებას ავრცელებს და ინიციატივით გამოდის, რომ პარლამენტში შეიქმნას „ხაზარაძე-ჯაფარიძის" საქმის შემსწავლელი დროებითი საგამოძიებო კომისია.

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა