ჩვენ ვთვლით დაუშვებლად, „რუსთავი 2“-ის როგორც თავისუფალი სიტყვის ფლაგმანის გაჩუმებას, - ამის შესახებ „რუსთავი 2“-ის დამფუძნებელმა დავით დვალმა პარლამენტში განაცხადა, სადაც რამდენიმე დპუტატის მოწვევით „რუსთავი 2“-ის საქმეზე მოსმენა მიმდინარეობს. როგორც დვალმა აღნიშნა, არხის საინფორმაციო კურსის შეცვლა ქვეყნისთვის დიდი დარტყმა იქნება.
„ჩვენ ვთვლით დაუშვებლად, „რუსთავი 2“-ის, როგორც თავისუფალი სიტყვის ფლაგმანის გაჩუმებას. ანუ „რუსთავი 2“-ის საინფორმაციო კურსის შეცვლა იქნება ქვეყნისთვის ძალიან დიდი დარტყმა. არ ვგულისხმობ იმ პარტიულ ფონს, რომელიც ახლავს და მგონია, რომ მარტივად მოხსნადია და მე თვითონ ჟურნალისტებისგანაც ვიცი, რომ ბევრისთვის რაღაც პარტიული მიმართულება მობეზრებული აქვთ. ეს არის უკიდურესად კრიტიკული ტელევიზია, რომელიც ახლა ჰაერივით სჭირდება ქვეყანას“, - განაცხადა დავით დვალმა.