ზვიად კორძაძე - მამუკა ხაზარაძის საქმის მასალებში მტკიცებულებების 70 %-ს „თიბისი ბანკისგან“ გადაგზავნილი დოკუმენტები წარმოადგენს

არ არსებობს გარემოებები იმისა, რომ გამოყენებულ იქნას აღკვეთის ღონისძიება. ამასთან ერთად ბრალდებაც აბსურდულია," - ამის შესახებ „თიბისი ბანკის“ დამფუძნებლების - მამუკა ხაზარაძისა და ბადრი ჯაფარიძის ადვოკატმა ზვიად კორძაძემ „პალიტრანიუსს“ განუცხადა.

ადვოკატი ადასტურებს ინფორმაციას, რომ პროკურატურამ აღკვეთის ღონისძიების სახით მილიონ-მილიონი ლარის გირაო მოითხოვა.

"მიგვაჩნია, რომ გირაო საერთოდ არ უნდა იქნას გამოყენებული. ერთი მიზეზი ის არის, რომ აბსურდია ეს ბრალდება და აქ არ შეიძლება იყოს ფულის გათეთრება და მეორე მიზეზია ის, რომ თვითონ აღკვეთის ღონისძიების საფუძვლები არ არის სახეზე. კერძოდ, აღკვეთი ღონისძიება გამოიყენება იმისთვის, რომ არ დაემალოს გამოძიებას, არ გაანადგუროს მტკიცებულებები ან არ იმოქმედოს მოწმეებზე და ეს ყველაფერი გამოირიცხება იმიტომ, რომ ამდენი ხანია ორივემ იცის გამოძიების შესახებ და ძალიან ბევრჯერ არიან საზღვარგარეთ ნამყოფი.

11 წლის წინანდელი საქმეა და შესაბამისად ყველა მტკიცებულება ამოღებულია ეროვნული ბანკის მიერ და გადაცემულია გამოძიებისთვის. „თიბისი ბანკმაც“ ყველაფერი გადასცა გამოძიებას და ამ მტკიცებულებების განადგურება არ მომხდარა. მოწმეებიც დაკითხული არიან როგორც გავეცანი ამ საქმეს. შესაბამისად, ეს საშიშროებაც არაა. არ არსებობს გარემოებები იმისა, რომ გამოყენებული იქნას აღკვეთის ღონისძიება. ამასთან ერთად ბრალდებაც აბსურდულია," - განაცხადა კორძაძემ.

საქმის მტკიცებულებებზე საუბრისას ზვიად კორძაძე ამბობს, რომ მტკიცებულებების 70 %-ს "თიბისი ბანკისგან“ გადაცემული მასალები წარმოადგენს.

"საქმის მასალებს გავეცანით და ყველა ის მტკიცებულება რომც ადასტურებდეს იმას, რაც გამოძიებას უწერია, მაინც არ არის ფულის გათეთრება, ეს ერთი და მეორე, მტკიცებულებებში არაფერი არ არის. ეს ძირითადად არის მტკიცებულებები, რომლებიც გადაცემულია „თიბისი ბანკისგან“. 70% ზე მეტი არის იმ მტკიცებულებების ჩამონათვალი, რომელიც „თიბისი ბანკს“ გააჩნდა. ასე რომ, ეს არ არის მტკიცებულებები, რომელიც გამოძიებამ მოიპოვა. ამიტომ ცოტა აბსურდია ადამიანები დანაშაულს ჩადიოდნენ და შემდეგ ამ მტკიცებულებებს 11 წლის განმავლობაში ინახავდნენ. ამასთან, საქმეზე არ არის დაზარალებული და უფრო მეტიც, ამ ფულით ერთადერთი დაზარალებული ვინც შეიძლება იყოს, ეს არის „თიბისი ბანკი," - აღნიშნა ზვიად კორძაძემ.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო