დავით ბაქრაძე - მივხედოთ მთავარ პრობლემას ლარისთვისაც, ხალხისთვისაც და ქვეყნისთვისაც რაც არის უცოდინარი ხელისუფლების არჩევნების გზით სახლში გაშვება

7 წელია უკვე „ქართული ოცნება“ არის ხელისუფლებაში, 7 წელია უკვე უფასურდება ლარი, 7 წელია ყოველთვიურად ძვირდება ცხოვრება, 7 წელია ყოველწლიურად ქვეყანა მიდის უკან და ეკონომიკა ვერ ვითარდება. ეს ყველაფერი არის ამ მთავრობის მუშაობის შედეგი, მთავრობის, რომელსაც არ გააჩნია არც კომპეტენტურობა, არც ცოდნა, არც მომავლის ხედვა, ვერ მართავს ქვეყანას და კორუფციით, ნეპოტიზმითა და საკუთარი უცოდინრობით ქართული ეკონომიკა კრიზისში შეიყვანა, - ამის შესახებ „ევროპული საქართველოს“ ლიდერმა დავით ბაქრაძემ საქართველოს პრემიერ-მინისტრის მამუკა ბახტაძის საპასუხოდ განაცხადა, რომელიც მიიჩნევს, რომ ლარის კურსის ვარდნა 20 ივნისს და შემდგომ განვითარებული მოვლენების გავლენის შედეგია.

ბაქრაძის განმარტებით, ლარისთვისაც, ხალხისთვისაც და ქვეყნისთვისაც მთავარი პრობლემა უცოდინარი, უპასუხისმგებლო ხელისუფლების ყოლაა, ამიტომ გამოსავალი მხოლოდ ამ ხელისუფლების მშვიდობიანად, არჩევნების გზით სახლში გაშვება იქნება.

„მე მაქვს საპასუხო კითხვა ბახტაძესთან ბოლო სამი დღის განმავლობაში 600 მილიონ ლარზე მეტით რომ დაეცა თიბისი ბანკის კაპიტალიზაცია, ეს არ მოქმედებს ლარის სტაბილურობაზე და მაინცდამაინც ის მოქმედებს, როდესაც ადამიანები აპროტესტებენ რუსულ ოკუპაციას? ეს არის სრულიად უპუხისმგებლო და უტიფარი განცხადება, 7 წელია უკვე „ქართული ოცნება“ არის ხელისუფლებაში და 7 წელია უფასურდება ლარი, 7 წელია ყოველთვიურად ძვირდება ცხოვრება, 7 წელია ყოველწლიურად ქვეყანა მიდის უკან, ეკონომიკა ვერ ვითარდება და ეს ყველაფერი არის ამ მთავრობის მუშაობის შედეგი, მთავრობის რომელსაც არ გააჩნია არც კომპეტენტურობა, არც ცოდნა, არც მომავლის ხედვა, ვერ მართავს ქვეყანას და კორუფციით, ნეპოტიზმით და საკუთარი უცოდინრობით კრიზისში შეიყვანა ქართული ეკონომიკა. ამიტომ, გამოსავალი არის მხოლოდ ერთი - თავი დაანებონ ხელის სხვისკენ გაშვერას და მივხედოთ მთავარ პრობლემას ლარისთვისაც, ხალხისთვისაც და ქვეყნისთვისაც რაც არის უცოდინარი და უპასუხისმგებლო ხელისუფლების მშვიდობიანად, არჩევნების გზით სახლში გაშვება“, - განაცხადა დავით ბაქრაძემ.

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 19.08.2019
გავლენის ოპერაციები ანუ „მკვლელობათა ჯაჭვი“