ადვოკატის ინფორმაციით, ირაკლი ოქრუაშვილს ბრალი ოფიციალურად ჯერ არ წარდგენია

თავდაცვის ყოფილი მინისტრის, ირაკლი ოქრუაშვილის ადვოკატის, მამუკა ჭაბაშვილის განცხადებით, ოქრუაშვილი მის დაკავებას „რუსთავი 2“-ის ირგვლივ განვითარებულ მოვლენებს და მის გააქტიურებას უკავშირებს. როგორც ჭაბაშვილმა „ინტერპრესნიუსს“ განუცხადა, ოქრუაშვილისთვის ბრალი ჯერ ოფიციალურად არ წარუდგენიათ, შესაბამისად საქმის მასალებიც არ გადასცემიათ.

„გუშინ როდესაც ირაკლი ოქრუაშვილი ვნახე, მან ცალსახად ეს ბრალდება დაუკავშირა მის ბოლოდროინდელ გააქტიურებას, კერძოდ, „რუსთავი 2“-ის საქმეს. ბრალება ჯერ არ წაგვდგენია, რომ სამართლებრივ ჭრილში გითხრათ, რით ასაბუთებენ და როგორ ასაბუთებენ. გარდა იმ კადრებისა, რაც ვუყურე. თუმცა, იქ არაფერი არ არის აბსოლუტურად. როცა გადმოგვცემენ საქმის მასალებს, მერე უკვე დეტალურად ჩამოვაყალიბებთ“, - განაცხადა ჭაბაშვილმა.

რაც შეეხება პროკურატურის მიერ გავრცელებულ კადრებს, სადაც ირაკლი ოქრუაშვილი ჩანს, როგორც ადვოკატი აცხადებს, რომ გავრცელებულ ვიდეომასალაში არ ჩანს, რომ ოქრუაშვილი ვინმეს ურტყამს ან შეურაცხყოფას აყენებს და აქციის მონაწილეებს რაიმეს მოუწოდებს

ირაკლი ოქრუაშვილი, ისევე, როგორც ათასობით თუ ათიათასობით მოქალაქე, არის იქ და ყველანი აპროტესტებენ, ვიცით, რასაც. ამ ჭყლეტაში ერთი მხრიდან მოქალაქეები, მეორე მხრიდან პოლიციელები არიან და აქ სადღაც შუაგულში არის. არავის არ ურტყამს, არავის შეურაცხყოფას არ აყენებს. არსად არ ჩანს, რომ ვინმეს რაიმეს მოუწოდებდეს. ეს კადრები რა მტკიცებულებაა?!“, - განაცხადა ჭაბაშვილმა.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა