20-21 ივნისის მოვლენების საქმეზე დაკავებული ბეჟან ლორთქიფანიძის მეუღლე - საქართველოს დროშით ვაპროტესტებ ჩემი მეუღლის დაკავებას, რადგან მის ბედს საქართველოს ბედსაც ვუკავშირებ

მე ვაპროტესტებ ჩემი მეუღლის დაკავებას საქართველოს დროშით, რადგან ჩემი მეუღლის ბედს საქართველოს ბედსაც ვუკავშირებ, - ამის შესახებ 20-21 ივნისის მოვლენებთან დაკავშირებით ერთ-ერთი დაკავებულის ბეჟან ლორთქიფანიძის მეუღლემ ეკა ჯაიანმა მას შემდეგ განაცხადა, რაც ლორთქიფანიძეს ბრალი სსკ-ს 225-ე მუხლის მეორე ნაწილით წარუდგინეს.

„არ მიმაჩნია, რომ ეს ადეკვატურია. ბრალდება ჯგუფურ ძალადობაში მონაწილეობაა, ჩვენ არ ვთვლით, რომ ჩემი მეუღლე მოძალადეა და სხვებთან ერთად ძალადობდა სპეცრაზმელებზე. ამ ბრალდებას თავადაც არ აღიარებს და თვლის, რომ მისი ქმედება ადეკვატური იყო. ჩემი მეუღლე პრინციპში, იყო დაზარალებულიც ამ დემონსტრაციაზე, მას შუბლში მოხვდა რეზინის ტყვია, რაც შეიძლება, ერთ-ერთი მიზეზი ყოფილიყო მისი ასეთი ქმედებისა. ჩვენ ზოგადად ვიცით, რა მასიურ აგრესიას ჰქონდა სპეცრაზმელებისგან ადგილი, თუმცა შესაბამისი ქმედითი ღონისძიება შსს-ს არ გაუტარებია, არ არიან დაკავებულები ყველა ის პირი, ვინც მონაწილეობდა ამ ძალადობაში და ზოგადად, გასცა ბრძანება სპეცრაზმის მიერ დემონსტრაციის დაშლისა აგრესიული გზით“, - აღნიშნა ჯაიანმა.

ეკა ჯაიანი დიღმის სამმართველოსთან, სადაც მისი მეუღლის მიმართ ბრალის წარდგენა მიმდინარეობდა, რამდენიმე საათის განმავლობაში საქართველოს დროშით იმყოფებოდა. მან ისაუბრა საქართველოს დროშით იქ მისვლის მიზეზებზეც.

„მე ვაპროტესტებ მის დაკავებას საქართველოს დროშით, რადგან ჩემი მეუღლის ბედს საქართველოს ბედსაც ვუკავშირებ და ვთვლი, რომ თუ მას ხვალ შეუფარდებენ აღმკვეთ ღონისძიებას, ეს ძალიან ცუდი იქნება საქართველოსთვის და საქართველოს მომავლისთვის. დღეს ბეჟანი იქნება და ხვალ - სხვა. ამ ყველაფერს ვუკავშირებ იმას, რომ ეს არის დამსჯელი ღონისძიება იმ პირების მიმართ, ვინც გამოხატეს პროტესტი 20 ივნისს გავრილოვის ვიზიტის და არა მხოლოდ ვიზიტის გამო“, - განაცხადა ჯაიანმა.

მანვე დასძინა, რომ სავარაუდოდ, ხვალ დღის მეორე ნახევარში გაიმართება სასამართლო პროცესი, სადაც შეიკრიბებიან ლორთქიფანიძის ახლობლები, არასამთავრობო სექტორის წარმომადგენლები და ბრძოლა გაგრძელდება, რათა ლორთქიფანიძე გათავისუფლდეს.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს