თუშეთის გზის 23-ე კილომეტრზე, „კამაზის“ ტიპის მანქანა რამდენიმე მეტრის სიმაღლიდან გადავარდა.

წინასწარი ინფორმაციით, მანქანაში 12 ადამიანი იმყოფებოდა, საიდანაც 5-მა გადმოხტომა მოასწრო. 7 კი სატვირთოსთან ერთად ხევში ჩავარდა.

სატვირთო მანქანაზე მყოფები ახმეტის მუნიციპალიტეტის სოფელ ქვემო ალვანის მცხოვრებლები არიან.

როგორც „ინტერპრესნიუსს“ საგანგებო სიტუციების მართვის სამსახურში განუცხადეს, ავტოსაგზაო შემთხვევასთან დაკავშირებით მათთან შეტყობინება შევიდა, რის შემდეგაც ადგილზე რამდენიმე სამაშველო ჯგუფი გავიდა.

მათივე თქმით, დაშავებულების შესახებ ინფორმაცია ჯერჯერობით უცნობია.

არსებული ინფორმაციით, ისინი თუშეთში დღესასწაულზე მიემგზავრებოდნენ.