გიგა ბოკერია ირაკლი ოქრუაშვილისთვის პატიმრობის შეფარდებაზე - მოტივი არის პოლიტიკური, ივანიშვილს სურს ძალის დემონსტრირება, ამიტომ არის ეს პოლიტიკური რეპრესია

„ივანიშვილს სურს ძალის დემონსტრირება, ამიტომ არის ეს პოლიტიკური რეპრესია და ამიტომ არის ეს საფრთხე ჩვენი ქვეყნის სტაბილურობის და ნორმალური განვითარებისთვის”,- ასე გამოეხმაურა „ევროპული საქართველოს” ერთ-ერთი ლიდერი გიგა ბოკერია თავდაცვის ყოფილი მინისტრის, ირაკლი ოქრუაშვილისთვის აღკვეთის ღონისძიების სახით პატიმრობის შეფარდებას.

ბოკერიას თქმით, მისთვის სასამართლოს გადაწყვეტილება მოულოდნელი არ იყო.

„ეს არის კიდევ ერთი ნაბიჯი პოლიტიკური რეპრესიის ივანიშვილის რეჟიმის მხრიდან. საზოგადოებას მინდა მივმართო, რომ როდესაც ასეთ მოვლენებს ვაფასებთ, ის პოლიტიკოსი კი არ უნდა შევაფასოთ, იქნება ეს ოქრუაშვილი თუ სხვა, ეს ცალკე თემაა, ვინ როგორ უყურებს და აფასებს აქციას ან პოლიტიკურ გემოვნებას, ლაპარაკია იმაზე, რა მოტივით მოქმედებს ხელისუფლება, რა სტანდარტები აქვს. ყველამ ვიხილეთ, რომ რა კადრებიც წარმოადგინეს, იმ კადრებთან შედარებით, რაც ნანახი გვაქვს არაერთხელ ამ წლების და თვეების განმავლობაში ბიძინა ივანიშვილის სატელიტი ჯგუფგებისგან, უბრალოდ შეუდარებელია. იმ ხალხს არა თუ არ სჯიდა სისხლის სამართლებრივად, ადმინისტრაციულადაც არ აჯარიმებდა, 50 -ლარიანი ჯარიმა იყო მაქსიმუმ. აქ მოტივი არის პოლიტიკური, ივანიშვილს სურს ძალის დემონსტრირება, ამიტომ არის ეს პოლიტიკური რეპრესია და ამიტომ არის ეს საფრთხე ჩვენი ქვეყნის სტაბილურობის და ნორმალური განვითარებისთვის. მაგრამ ეს სამარცხვინო ნაბიჯები ივანიშვილს ვერ გადაარჩენს, ის განწირულია მარცხისთვის შემდეგ არჩევნებზე, ჩვენი ამოცანაა იქამდე მივიდეთ ნაკლები ზიანით”,- განაცხადა ბოკერიამ.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 10.12.2019
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში