პროკურორი - ოქრუაშვილი აქციაზე მყოფ მოქალაქეებს მოუწოდებს კორდონი გაარღვიონ და პარლამენტის შენობაში შეიჭრან - საქმეში მოწმეთა ჩვენებები და ვიდეომასალაა

თავდაცვის ყოფილი მინისტრის, ბრალდებული ირაკლი ოქრუაშვილის საქმის პროკურორის, ვაჟა თოდუას განცხადებით, საქმეში არამხოლოდ მოწმეთა ჩვენებებია, არამედ ვიდეო-მასალაც.

როგორც თოდუა აღნიშნავს, ბრალდებულმა ირაკლი ოქრუაშვილმ აქციაზე მყოფ მოქალაქეებს მოუწოდა კორდონი გაერღვიათ და პარლამენტის შენობაში შეჭრილიყვნენ.

„სასამართლომ გაიზიარა ბრალდების მხარის შუამდგომლობა და ბრალდებულების მიმართ აღკვეთის ღონისძიების სახით გამოყენებული იქნა პატიმრობა. მათგან ირაკლი ოქრუაშვილს ბრალი ედება ჯგუფური მოქმედების ხელმძღვანელობასა და მასში მონაწილეობისათვის. ბრალდებას ადასტურებს არამხოლოდ მოწმეთა ჩვენებები, არამედ ის ვიდეო-მასალა, რაც ფართო საზოგადოებამ იხილა, სადაც ჩანს, ბრალდებული ირაკლი ოქრუაშვილი აქციაზე მყოფ მოქალაქეებს მოუწოდებს კორდონი გაარღვიონ, წინ წავიდნენ და შეიჭრან პარლამენტის შენობაში. მოცემული ვიდეო აღწერილია ბრალდების დადგენილებაში", - განაცხადა თოდუამ.

თუ რა კავშირი აქვთ აქციის დანარჩენ მონაწილეებსა და ირაკლი ოქრუაშვილს ერთმანეთთან, პროკურორი აცხადებს, რომ ეს გამოძიების შედეგად გახდება ცნობილი.

„მიმდინარეობს აღნიშნული კავშირების დადგენა, ასევე იმ პირთა იდენტიფიცირება და გამოვლენა, ვინც მონაწილეობდა ძალადობრივ მოქმედებებში. მტკიცებულებათა შეკრების შემდეგ, სასამართლო იმსჯელებს სხვა პირთა პასუხისმგებლობის საკითხზეც", - აღნიშნა თოდუამ.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 21.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
რესქულში უძრავი ქონების შეფასების კურსი 25 ნოემბერს დაიწყება
კომპანია „ფრეგო“-ს მთავარი ინვესტორის ღია წერილი
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)