ზურაბ აბაშიძე გრიგოლ კარასინის თანამდებობიდან წასვლაზე კომენტარს აკეთებს

კონკრეტულ კომენტარს იმის შესახებ, თუ როგორ გვესახება „აბაშიძე - კარასინის“ ფორმატის მომავალი, მას შემდეგ გავაკეთებ, რაც კარასინის შემცვლელის ვინაობის შესახებ ოფიციალურად გახდება ცნობილი, - ამის შესახებ „ინტერპრესნიუსს“ პრემიერ-მინისტრის სპეციალურმა წარმომადგენელმა რუსეთთან ურთიერთობის საკითხებში ზურაბ აბაშიძემ განუცხადა.

მისი თქმით, ეს არა კერძო პირების, არამედ ქართულ - რუსული დიალოგის ფორმატია, სადაც სავაჭრო - ეკონომიკური ურთიერთობები განიხილება. კითხვაზე, შესაძლოა თუ არა, რომ კონკრეტული პერსონების შეცვლამ აბაშიძე-კარასინის შეხვედრების ფორმატზე გავლენა მოახდინოს, ზურაბ აბაშიძე აცხადებს, რომ ამაზე მას შემდეგ ისაუბრებს, რაც რუსეთის საგარეო უწყება გრიგორი კარასინის შემცვლელის ვინაობას ოფიციალურად დაასახელებს.

„ჩვენ დღეს მედიის საშუალებით მივიღეთ ინფორმაცია გრიგორი კარასინის შესაძლო შემცვლელის ვინაობის შესახებ. კომენტარს გავაკეთებთ მას შემდეგ, რაც რუსეთის საგარეო საქმეთა სამინისტრო გაავრცელებს ამის შესახებ ოფიციალურ ინფორმაციას.

ამ ფორმატს ჟურნალისტები ეძახიან აბაშიძე-კარასინის ფორმატს. რა თქმა უნდა, ეს პირადად ჩემი დიალოგი არ არის კარასინთან. ეს არის ქართულ-რუსული ორმხრივი დიალოგის არაფორმალური ფორმატი, სადაც განიხილება სავაჭრო-ეკონომიკური ურთიერთობები, სატრანსპორტო კავშირები, გარკვეული ჰუმანიტარული თემები, ანუ უფრო პრაქტიკული ურთიერთობების საკითხები. რამდენადაც ცნობილი გახდა, ბატონი კარასინი შემოდგომიდან ტოვებს საგარეო საქმეთა მინისტრის მოადგილის პოსტს. უფრო კონკრეტულ კომენტარს იმის შესახებ, თუ როგორ გვესახება ამ ფორმატის მომავალი, მას შემდეგ გავაკეთებ, რაც მისი შემცვლელის ვინაობის შესახებ ოფიციალურად გახდება ცნობილი“, - განაცხადა ზურაბ აბაშიძემ.

შეგახსენებთ, რომ რუსეთის საგარეო საქმეთა მინისტრის მოადგილე გრიგორი კარასინი ასაკის გამო თანამდებობას ტოვებს. მისი გადასვლა რუსეთის პარლამენტის ზედა პალატაში იგეგმება. გაზეთი „კომერსანტი“ წერს, რომ საგარეო საქმეთა სამინისტროში ფაქტობრივად უკვე შერჩეულია მინისტრის მოადგილის თანამდებობაზე სამი პრეტენდენტი, რომელთაგან წამყვან კანდიდატურად საკონსულო დეპარტამენტის დირექტორი ივან ვოლინკინი მიიჩნევა.

იხილეთ ვიდეო

ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
ქართული პრესის მიმოხილვა 25.09.2020
ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის