მაია ცქიტიშვილი - დაინტერესებული ვართ, რომ ის დრო და ძალისხმევა, რაც მთავრობამ, დონორებმა და კონსორციუმმა ანაკლიის პროექტში ჩავდეთ, არ დაიკარგოს

„ანაკლიის პორტის პროექტი უნდა განახორციელოს „თიბისი-ანაკლია ჰოლდინგმა“ და მისი გაიგივება „თიბისი ჯგუფთან“ ან „თიბისი ბანკთან“, მართებული არ იქნება,“ - ამის შესახემ საქართველოს ვიცე-პრემიერმა მაია ცქიტიშვილმა ანაკლიის პორტის პროექტის შესახებ დასმული შეკითხვის საპასუხოდ განაცხადა. მისი თქმით, საჭიროა, რომ კონსორციუმმა პოლიტიკური სპეკულაციებისა და არაკონსტრუქციული პროცესის ნაცვლად, თავისი ვალდებულებები შეასრულოს.

როგორც ინფრასტრუქტურის მინისტრმა აღნიშნა. სტრატეგიულად, გლობალური და ეკონომიკური უსაფრთხოების კონტექსტიდან გამომდინარე, ამ პროექტში ამერიკული და ქართული ინვესტიცია მისასალმებელია.

„რაც შეეხება შეკითხვას - აშენდება თუ არა ანაკლიის პორტი, არაერთხელ გაეცა პასუხი, მათ შორის მაღალი ტრიბუნიდან და გავიმეორებ, რომ ეს პროექტი აუცილებლად განხორციელდება იმის მიუხედავად, შეძლებს თუ არა „ანაკლიის განვითარების კონსორციუმი“ წარმატებით გაართვას თავი აღებულ ვალდებულებებს. ჩვენ ვართ დაინტერესებული, რომ ის დრო და ძალისხმევა, რაც მთავრობამ, დონორებმა და კონსორციუმმა ამ საქმეში ჩავდეთ, არ დაიკარგოს და არსებულმა ინვესტორმა წლის ბოლომდე შეძლოს დაფინანსების მოპოვება, ამისთვის კი პოლიტიკური სპეკულაციების და არაკონსტრუქციული პროცესის ნაცვლად, საჭიროა კონსორციუმმა შეასრულოს თავისი ვალდებულებები,“ - აღნიშნა მაია ცქიტიშვილმა.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 14.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა