გიორგი ვაშაძე - სასამართლოს წინასწარ აქვს დავალებული, რომ ზვიად კუპრავას პატიმრობა შეუფარდოს

რა თქმა უნდა, ზვიად კუპრავას დააპატიმრებენ. ის უკვე პატიმრობაშია რამდენი ხანია, რაც ნიშნავს, რომ სასამართლოს წინასწარ აქვს დავალებული, რომ პატიმრობა შეუფარდოს. რა ვადა იქნება, ამას ვნახავთ, - ამის შესახებ „ახალი საქართველოს" ლიდერმა, გიორგი ვაშაძემ საქალაქო სასამართლოში, სასამართლოს უპატივცემულობის ფაქტზე დაკავებულ „სამართალდამცავთა რეფორმირების ცენტრის" ხელმძღვანელის, ზვიად კუპრავას საქმეზე საუბრისას განაცხადა.

მისი თქმით, სამწუხაროა, რომ მის თანამებრძოლს მოუწევს „ერთი წლის განმავლობაში იტანჯოს და მიიღოს საკუთარ თავზე ის კანონგარეშე ქმედება, რაც დღეს ქვეყანაშია“.

„სასამართლო მიიღებს იმ გადაწყვეტილებას, რაც წინასწარ დავალებული აქვს. მე ერთი რამ შემიძლია ვთქვა, რომ მაქსიმუმ ერთი წელი, შეიძლება უფრო ადრეც დარჩა იმისთვის, რომ "ქართულმა ოცნებამ" დაასრულოს თავისი უკანონობები, რაც ამ ქვეყანაში ხდება. დღეს მთელი საზოგადოება შეთანხმებულია ერთ რამეზე, რომ ის, რაც დღეს ქვეყანაში ხდება, იქნება ეს ზვიად კუპრავას პროცესი თუ ნებისმიერი სხვა სასამართლო პროცესი, ეს არის უკიდეგანო უსამართლობა და აუცილებლად დამთავრდება 2020 წლის არჩევნების გზით, თუ უფრო ადრე არა. ძალიან სამწუხაროა, რომ ჩვენს თანამებრძოლს მოუწევს ამ ერთი წლის განმავლობაში იტანჯოს და მიიღოს საკუთარ თავზე ის კანონგარეშე ქმედება, რაც დღეს ქვეყანაშია, მაგრამ ეს აუცილებლად დასრულდება საბოლოო გამარჯვებია გზით", - განაცხადა ვაშაძემ.

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა