ტელეკომპანია „რუსთავი 2“ -ის ერთ-ერთი დამფუძნებლის ჯარჯი აქიმიძის განცხადებით, მას და დავით დვალს „რუსთავი 2“-ის მფლობელის ქიბარ ხალვაშის შეთავაზებასთან დაკავშირებით გადაწყვეტილება დახუსტებით აქვთ ჩამოყალიბებული. ამის შესახებ „ინტერპრენიუსს“ ჯარჯი აქიმიძემ განუცხადა.
„დიახ, დაზუსტებით გვაქვს ჩამოყალილბებული. ხვალინდელ ბრიფინგზე მოგახსენებთ ჩვენს მოსაზრებებს ქიბარ ხალვაშის წინადადებასთან დაკავშირებით“, - აღნიშნა ჯარჯი აქიმიძემ.
ცნობისთვის, ფონდ „ღია საზოგადოება-საქართველოს“ ოფისში, დღეს, 14:00 საათზე, დავით დვალი და ჯარჯი აქიმიძე ბრიფინგს გამართავენ.
შეგახსენებთ, რომ 2017 წელს ქიბარ ხალვაში დავით დვალსა და ჯარჯი აქიმიძეს „რუსთავი 2“-ის 50%-იან წილს სთავაზობდა. 30 ივლისს გამართული შეხვედრისას კი 40% შესთავაზა.