92 წლის ასაკში პროფესორი ლევან ალექსიძე გარდაიცვალა. 1-2 აგვისტოს, სიონის ტაძარში პანაშვიდი გაიმართება, 3 აგვისტოს, 15.00 საათზე კი, სიონის ტაძრიდან გამოასვენებენ.
ლევან ალექსიძე იურიდიულ მეცნიერებათა დოქტორი, საქართველოს მეცნიერებათა აკადემიის აკადემიკოსი, მეცნიერების დამსახურებული მოღვაწე, საქართველოს სახელმწიფო პრემიის ლაურეატი, საქართველოს რესპუბლიკის პირველი მოწვევის უზენაესი საბჭოს წევრი, საგანგებო და სრულუფლებიანი ელჩი, თსუ-ს რექტორის მოადგილე, ღირსების ორდენის კავალერი იყო.
ლევან ალექსიძე 150-მდე შრომის ავტორია, რომლებიც გამოქვეყნებულია ქართულ, რუსულ, ინგლისურ, გერმანულ და ესპანურ ენებზე.