კახა კალაძე - დარწმუნებული არ ვარ, რომ გაუფასურება უკვე აისახა ფასებზე, თუმცა თუ ტენდენცია შენარჩუნდება და ლარი კიდევ გაუფასურდება, ეს ფასებზე იმოქმედებს

ეროვნული ბანკის გადაწყვეტილებას მივესალმები და დარწმუნებული ვარ კურსი დასტაბილურებას დაიწყებს,- ამის შესახებ „ქართული ოცნების“ გენერალურმა მდივანმა, თბილისის მერმა კახა კალაძემ ჟურნალისტებს ეროვნული ბანკის მიერ აუქციონზე 40 მილიონი ლარის გაყიდვასთან დაკავშირებით განუცხადა.

კახა კალაძის თქმით, ეროვნული ვალუტის კურსი ქვეყანაში ყველას აწუხებს.

"ლარის კურსთან დაკავშირებული პრობლემა აბსოლუტურად ყველას გვაწუხებს და საჭიროა გარკვეული ნაბიჯების გადადგმა",-აცხადებს კალაძე.

რაც შეეხება ლარის გაუფასურების გამო გაზრდილ ფასებთან დაკავშირებით დასმულ კითხვას, კალაძის თქმით, ის დარწმუნებული არ არის, რომ ვალუტის გაუფასურება ფასებზე უკვე აისახა.

„დარწმუნებული არ ვარ, რომ გაუფასურება უკვე აისახა ფასებზე. მგონია, რომ არ გაზრდილა. თუმცა თუ ტენდენცია შენარჩუნდება და ლარი კიდევ გაუფასურდება, ეს რა თქმა უნდა, იმოქმედებს ფასებზე. მნიშვნელოვანია, ეროვნული ბანკის სწორი ნაბიჯები, რომ გაუფასურების ტენდენცია შეჩერდეს და გადაიდგას ნაბიჯები, რომ ლარი დასტაბილურდეს",-აცხადებს კალაძე.

ეროვნულმა ბანკმა გუშინ მიიღო გადაწყვეტილება, რომ ინტერვენცია განახორციელოს და დღეს აუქიონზე 40 მილიონი დოლარი რეზერვების გაიტანას გეგმავს.

იხილეთ ვიდეო:

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა