თბილისის სახელმწიფო უნივერსიტეტი მწუხარებას გამოთქვამს აკადემიკოს ლევან ალექსიძის გარდაცვალების გამო.
„პროფესორმა ლევან ალექსიძემ 70 წელზე მეტი მიუძღვნა უნივერსიტეტს, იურიდიული ფაკულტეტის მრავალ თაობასა და საქართველოს სახელმწიფოს წინაშე მდგარ მწვავე საერთაშორისო სამართლებრივ გამოწვევებს. იგი სიცოცხლის ბოლომდე თსუ-ს საერთაშორისო სამართლის ინსტიტუტს ხელმძღვანელობდა. ლევან ალექსიძე მიიჩნევა საერთაშორისო სამართლის ქართული სკოლის დამფუძნებლად, ხოლო ამ დარგის გლობალურ განვითარებაში მის მიერ შეტანილ წვლილს მსოფლიოს მასშტაბით არაერთი აკადემიური საზოგადოება აღიარებს“, - ნათქვამია თსუ-ს მიერ გავრცელებულ განცხადებაში.
ლევან ალექსიძის პანაშვიდი 1-2 აგვისტოს, სიონის ტაძარში გაიმართება, 3 აგვისტოს, 15.00 საათზე კი, სიონის ტაძრიდან გამოასვენებენ.