მობილურმა ოპერატორმა „ვიონი საქართველო“ (ბრენდი ბილაინი), საერთაშორისო ჯგუფი „ვიონი“-ს წევრმა, ახალციხეში, კოსტავას #33-ში განახლებული მაღაზია გახსნა. როგორც „ინტერპრესნიუსს“ „ბილაინიდან“ აცნობეს, თანამედროვე ტექნიკით აღჭურვილ მაღაზიაში, მომხმარებელს შესაძლებლობა აქვს ბილაინის ყველა მომსახურება ერთ სივრცეში მიიღოს და სხვადასხვა პროდუქტი და მოწყობილობა შეიძინოს.

ასევე მაღაზიაში მომხმარებლებს სასურველი პაკეტების გააქტიურება , სიმ ბარათების შეძენა და მომსახურებასთან დაკავშირებულ საკითხებზე ინფორმაციის მიღება შეუძლიათ. მაღაზიაში წარმოდგენილია სმარტფონები და სხვა ელექტრონული მოწყობილობებიც. ბილაინი მსოფლიოში ცნობილი ისეთი ბრენდების ოფიციალური პარტნიორია, როგორებიცაა: Apple, Huawei, Alcatel, Meizu, Xiaomi და მათ პროდუქტებს საუკეთესო პირობებით სთავაზობს მომხმარებელს.

ბილაინი მაღაზიების გახსნასა და განახლებას აქტიურად აგრძლებს. დღეისათვის ქვეყნის მასშტაბით ბილაინის 36 მაღაზია ფუნქციონირებს.

შპს „ვიონი საქართველო“ (ბრენდი ბილაინი) შედის კავშირგაბმულობისა და ინტერნეტით მომსახურების პროვაიდერ წამყვან საერთაშორისო ჯგუფში „ვიონი“ (VEON) რომლის სათავო ოფისი ამსტერდამში მდებარეობს. VEON-ის აქციები განთავსებულია NASDAQ-ისა (აშშ) და Euronext Amsterdam-ის ბირჟებზე. VEON-ი მის 210 მილიონ მომხმარებელზე მეტს, მსოფლიოს 10 სხვადასხვა ქვეყანაში, აწვდის ხმოვან, ფიქსირებულ, დატა და ინტერნეტის მომსახურებას. ბილაინი საქართველო ფუნქციონირებს 2007 წლიდან და სადღეისოდ მის 1.3 მილიონამდე მომხმარებელს უზრუნველყოფს 2G GSM 900/1800MHz, 3G 2100 MHz და 4G/LTE 800 MHz მომსახურებით. მეტი ინფორმაციისთვის ეწვიეთ: www.beeline.ge; ინფორმაციისთვის „ვიონი“ ჯგუფის შესახებ, ეწვიეთ: www.veon.com