ეროვნულ ბანკსა და ასოციაციას “სამხარეო განვითარება მომავალი საქართველოსთვის “ შორის ურთიერთთანამშრომლობის მემორანდუმი გაფორმდა

საქართველოს ეროვნულ ბანკსა და ასოციაციას "სამხარეო განვითარება მომავალი საქართველოსთვის (RDFG)" შორის ურთიერთთანამშრომლობის მემორანდუმი გაფორმდა. ეროვნული ბანკის ინფორმაციით, შეთანხმება მიზნად ისახავს ახალგაზრდებში ფინანსური განათლების შესახებ ცნობიერების ამაღლებას.

მემორანდუმს საქართველოს ეროვნული ბანკის პრეზიდენტმა, კობა გვენეტაძემ და ასოციაციის თავმჯდომარემ, ივანე გრიგოლაშვილმა მოაწერეს ხელი.

პირველი პროექტი, რომელიც საქართველოს ეროვნული ბანკის მხარდაჭერით, მემორანდუმის ფარგლებში, განხორციელდება, ასოციაციისა და USAID-ის ერთობლივი რეგიონული ახალგაზრდული სამეწარმეო პროექტია, რომელიც საქართველოს რეგიონებში (სოფლად) მცხოვრები ახალგაზრდების გაძლიერებას ისახავს მიზნად.

პროექტი ითვალისწინებს 18-29 წლის ასაკის, 500-მდე ახალგაზრდის ჩართვას სამეწარმეო ტრენინგში, საქართველოს 9 მუნიციპალიტეტიდან (ზუგდიდი, ბორჯომი, ასპინძა, ადიგენი, ნინოწმინდა, მარნეული, ბოლნისი, კასპი და გორი). პროექტი 3-ეტაპიანია: I და II ეტაპები - 2019 წლის ზაფხულსა და შემოდგომაზე, III ეტაპი კი - 2020 წლის გაზაფხულზე განხორციელდება. საქართველოს ეროვნული ბანკი, ამ პროექტის ფარგლებში, ახალგაზრდა მეწარმეებისთვის ფინანსური განათლების თემებზე ტრენინგების ციკლს ჩაატარებს.

„დღესდღეობით, ახალგაზრდებს ხშირად დამოუკიდებლად უწევთ კომპლექსური ფინანსური გადაწყვეტილებების მიღება. მათი ფინანსური განათლება ჩვენი ქვეყნისათვის ერთ-ერთი მნიშვნელოვანი გამოწვევაა, ახალგაზრდა თაობა კი, ეროვნული ბანკისთვის პრიორიტეტული მიზნობრივი ჯგუფია", - განაცხადა ეროვნული ბანკის პრეზიდენტმა, კობა გვენეტაძემ.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 21.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
რესქულში უძრავი ქონების შეფასების კურსი 25 ნოემბერს დაიწყება
კომპანია „ფრეგო“-ს მთავარი ინვესტორის ღია წერილი
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)