„რუსთავის 2“-ის კონტრაქტორი კომპანია „ინტერმედიას“ დირექტორის, ზურაბ იაშვილის გამოკითხვა თბილისის მთავარ პროკურატურაში დასრულდა.
როგორც გამოკითხვის დასრულების შემდეგ, მისმა ადვოკატმა, ბექა ბასილაიამ "ინტერპრესნიუსთან" განაცხადა, გამომძიებლების კითხვები მისი დაცვის ქვეშ მყოფის მიმართ, ფინანსურ საკითხებს შეეხებოდა.
"საკითხები ეხებოდა ფინანსურ თემებს. ყველა კითხვაზე იყო ამომწურავი პასუხი. ამ გამჭვირვალე და სრულიად ლეგალურ სიტუაციაში, როდესაც კომპანიას ყველაფერი აქვს დეკლარირებული და ყველაფერი არის ღია, ფორსირებულად გამოძიების წარმოება სერიოზულ კითხვებს აჩენს ამ გამოძიების მოტივაციასთან დაკავშირებით", - განაცხადა ადვოკატმა.