აღმოსავლეთ-დასავლეთ საქართველოს დამაკავშირებელი სარკინიგზო გვირაბის მშენებლობაზე დასაქმებული მუშები გაიფიცნენ

ხაშურის მუნიციპალიტეტში, აღმოსავლეთ-დასავლეთ საქართველოს დამაკავშირებელი სარკინიგზო გვირაბის მშენებლობაზე დასაქმებული მუშები გაიფიცნენ. საუბარია „ჩინეთის რკინიგზის 23-ე ბიუროს“ მიერ დასაქმებულ 60 ადამიანზე. როგორც „ინტერპრესნიუსს“ რკინიგზელთა ახალი პროფკავშირის თავმჯდომარის მოადგილემ, ილია ლეჟავამ განუცხადა, დასაქმებულები უსაფრთხოების ნორმების არარსებობაზე, შვებულებისა და ანაზღაურების არმიცემაზე საუბრობენ.

მისივე ინფორმაციით, აღნიშნულ კომპანიაში დასაქმებულები მუშაობას არ გააგრძელებენ, თუ მათი მოთხოვნები არ შესრულდება. გარდა ამისა, როგორც დასაქმებულები აცხადებენ, ისინი არ მისცემენ მუშაობის გაგრძელების საშუალებას იმ მუშებს, რომლებიც კომპანიას ჩინეთიდან ჰყავს ჩამოყვანილი.

როგორც ლეჟავამ განაცხადა, ამ ეტაპზე რკინიგზელთა ახალ პროფკავშირსა და „ჩინეთის რკინიგზის 23-ე ბიუროს“ შორის მოლაპარაკებები მიმდინარეობს.

„60 ადამიანია გაფიცული. ისინი პროტესტს გამოთქვამენ და უარს აცხადებენ სამუშაოს შესრულებაზე. აქ საუბარია უსაფრთხოების ნორმებისა და საკმარისი ხელფასების არარსებობაზე, მოუწესრიგებელია ინდივიდუალური ხელშეკრულებები, სახეზეა, ასევე, ანაზღაურების დროულად მიცემისა და შვებულების პრობლემაც. ანუ თითქმის ყველა ის საკითხია პრობლემატური, რაც შრომის კოდექსით გარანტირებულად უნდა ეძლეოდეთ ამ ადამიანებს. როგორც ჩანს, დამსაქმებელი არაცივილიზებული ფორმით ამუშავებს ამ ადამიანებს. ახლა მიმდინარეობს მოლაპარაკებები, რომ მოწესრიგდეს ეს ყველაფერი.

ამ კომპანიაში დასაქმებულები დღეს დაგვიკავშირდნენ. მიუხედავად იმისა, რომ ისინი არ იყვნენ პროფკავშირის წევრები, ჩვენ რა თქმა უნდა, ჩავერთეთ პროცესში.როგორც თავად ამბობენ, 2 დღეა გაფიცულები არიან. ახლა ვცდილობთ, რომ დამსაქმებელთან მოლაპარაკების გზით მოვაგვაროთ სიტუაცია. წინააღმდეგ შემთხვევაში დასაქმებულები არ გააგრძელებენ მათთვის მიუღებელ პირობებში მუშაობას,“ - განაცხადა ილია ლეჟავამ.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 15.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
გამოიძახე ექიმი სახლში - REDMED ინოვაცია ქართულ სამედიცინო სფეროში
#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა