მამუკა მდინარაძე - არანაირი პოლიტიკური ინტერესი არ შეიძლება იყოს რომელიმე ადამიანის გამოკითხვაზე დაბარებაში, გამორიცხულია

იცით ხოლმე, რომ ძალიან ვერიდები შედარებებს და ალეგორიებს, მითუმეტეს დროში შედარებებს, მაგრამ 2012 წლამდე დაჭერაზე არ ჩნდებოდა კითხვები და ახლა გამოკითხვაზე ჩნდება კითხვები, - ამის შესახებ ჟურნალისტებს ფრაქცია „ქართული ოცნების“ თავმჯდომარემ, მამუკა მდინარაძემ „ტვ პირველის“ დამფუძნებლის, ვახტანგ წერეთელის გამოკითხვაზე დაბარებასთან დაკავშირებით განუცხადა.

როგორც მდინარაძე აცხადებს, რომელიმე ადამიანის გამოკითხვაზე დაბარებასთან დაკავშირებით პოლიტიკური ინტერესების არსებობა გამორიცხულია.

„ზოგადად, კითხვის დასმა არის ლეგიტიმური და კითხვებზე, რომლებიც საგამოძიებო ორგანოს მოქმედების მიმართ არსებობს, ამაზე საგამოძებო ორგანომ უნდა გასცეს პასუხი. ამაზე მე ის პასუხი შემიძლია გაგცეთ, რომ არანაირი პოლიტიკური ინტერესი არ შეიძლება იყოს რომელიმე ადამიანის გამოკითხვაზე დაბარებაში, გამორიცხულია.

ასეთი კითხვები, სამწუხაროდ, 2012 წლამდე დაჭერების მიმართ არ უჩნდებოდათ იმ ხალხს, ვისაც დღეს უჩნდება. დროში დამთხვევები იყო, წმინდა პოლიტიკური ინტერესები იყო, რომელიც ხელისგულზე ჩანდა, ფაქტობრივი გარემოებები იყო, რაც მიუთითებდა იმაზე, რომ დაჭერა იყო წმინდა პოლიტიკური და დღეს ადამიანს თუ გამოკითხვაზე დაიბარებენ, თუ რაიმე გამოძიება მიმდინარეობს, ამაზე უჩნდებათ უმკაცრესი კითხვის ნიშნები. ესაა უბრალოდ რეალობა, რომელსაც თვალებში უნდა შევხედოთ,“- განაცხადა მდინარაძემ.

შეგახსენებთ, რომ როგორც „ინტერპრესნიუსს“ გენერალურ პროკურატურაში განუცხადეს „ტვ პირველის“ დამფუძნებელი ვახტანგ წერეთელი სასამართლოში სავარაუდოდ, დღეს, მაგისტრი მოსამართლის თანდასწრებით დაიკითხება.

საქართველოს პროკურატურის განცხადებით, „ტვ პირველის“ დამფუძნებლის ვატო (ვახტანგ) წერეთლის საგამოძიებო უწყებაში გამოკითხვაზე დაბარება უკანონო შემოსავლის ლეგალიზაციის ფაქტზე 2018 წლის 2 აგვისტოს დაწყებულ გამოძიებას უკავშირდება, რომელზეც ბრალი „თიბისი ბანკის“ დამფუძნებლებს მამუკა ხაზარაძესა და ბადრი ჯაფარიძეს, ფულის გათეთრების მუხლით აქვთ წაყენებული.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა