გიგა ბოკერია - სააკაშვილი პრობლემა არის ხოლმე იმიტომ, რომ თავისი გამონათქვამებით ბინძურ კამპანიაში ივანიშვილს ეხმარება

სააკაშვილი პრობლემა არის ხოლმე იმიტომ, რომ თავისი გამონათქვამებით ბინძურ კამპანიაში ივანიშვილს ეხმარება, - ამის შესახებ „პალიტრანიუსის“ გადაცემა „360 გრადუსში“ პარტია „ევროპული საქართველოს“ ერთ-ერთმა ლიდერმა გიგა ბოკერიამ განაცხადა.

მისივე განმარტებით, ივანიშვილის ხელისუფლების პოლიტიკა რუსეთის ხელისუფლებას აძლიერებს ქვეყნის შიგნით, მაგრამ 2012 წლის არჩევნები იყო დემოკრატიული არჩევნები, რომლებშიც ისინი დამარცხდნენ და „ქართულმა ოცნებამ“ მოიგო.

„სააკაშვილი პრობლემა არის ხოლმე იმიტომ, რომ თავისი გამონათქვამებით ბინძურ კამპანიაში ივანიშვილს ეხმარება. მაგალითად, ბოლოს თქვა, რომ 2008- ში რაც ვერ შეძლო რუსეთმა 2012 - ში მოახერხესო, რაც ფუნდამენტურად არასწორი ნათქვამია, ეს არის არაკორექტული ჩვენი საზოგადოების მიმართ. გასაგებია, რომ რუსებს ივანიშვილის გამარჯვება შეიძლება უნდოდათ, მაგრამ არჩევნებში მონაწილეობა მიიღო ჩვენმა საზოგადოებამ, მათ აირჩიეს ეს ხელისუფლება და გადაგვირჩიეს ჩვენ, ამას უნდა ვცეთ პატივი და ეს არ უნდა შევადაროთ სამხედრო აგრესიას. ივანიშვილის ხელისუფლების პოლიტიკა რუსეთის ხელისუფლებას აძლიერებს ქვეყნის შიგნით, მაგრამ 2012 წლის არჩევნები იყო დემოკრატიული არჩევნები, რომლებშიც ჩვენ დავმარცხდით და ქართულმა ოცნებამ მოიგო“, - განაცხადა გიგა ბოკერიამ.

გია ნოდია - თუ საარჩევნო სისტემასთან დაკავშირებით მმართველმა გუნდმა პოზიცია შეიცვალა, ეს მასზე ჩვენი დასავლელი პატრნიორების ზეწოლის შედეგი იქნება
ქართული პრესის მიმოხილვა 16.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
ორმაგი დიპლომები სტუ-ის აგრარული მეცნიერებებისა და ბიოსისტემების ინჟინერინგის ფაკულტეტის სტუდენტებისათვის - დეკანის ვიზიტი საფრანგეთში
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია