თბილისის „დინამო" „ფეიენოორდთან" საპასუხო მატჩის მაყურებლის გარეშე ჩატარების გადაწყვეტილებას გაასაჩივრებს. ამის შესახებ ინფორმაციას საფეხბურთო კლუბი „დინამო თბილისი“ ავრცელებს.

„გაცნობებთ, რომ "დინამო თბილისმა" უეფადან მიიღო გადაწყვეტილება, რომელიც "ფეიენოორდთან" თბილისში, საპასუხო შეხვედრის გულშემატკივრების გარეშე ჩატარებას გულისხმობს. "დინამოს" გასაჩივრებისთვის აქვს 5 დღე და რათქმაუნდა გუნდი გაასაჩივრებს. ეს გადაწყვეტილება არაა საბოლოო, დეტალებს კი აუცილებლად გაცნობებთ" , - ნათქვამია განცხადებაში.

როგორც ცნობილია, უეფამ თბილისის „დინამო" აზერბაიჯანულ „გაბალასთან" მატჩისას რასისტული შეძახილების გამო დასაჯა და „ფეიენოორდთან" ევროპა ლიგის მესამე საკვალიფიკაციო ეტაპის საპასუხო შეხვედრა ცარიელ სტადიონზე ჩატარდება. ამასთან, უეფამ „დინამო" 50 ათასი ევროთი დააჯარიმა.