ყირგიზეთში ატამბაევის გარემოცვის წევრების დაკითხვა და დაკავება მიმდინარეობს

ყირგიზეთში ექსპრეზიდენტ ალმაზბეკ ატამბაევის დაკავების შემდეგ მისი უახლოესი გარემოცვის წარმომადგენლებიც დაკითხეს. მათ შორის ატამბაევის აპარატის ყოფილი უფროსი, მრჩეველი, პარლამენტის დეპუტატები ასელ კოდურანოვა და ირინა კარამუშკინაც აღმოჩნდნენ.

დაკითხვაზე შინაგან საქმეთა სამინისტროში ატამბაევის შვილი, სეიიტბეკ ატამბაევიც დაიბარეს. ექსპრეზიდენტის ადვოკატი აცხადებს, რომ არ აქვს ინფორმაცია, რომელი სისხლის სამართლის საქმეზე მიმდინარეობდა სეიიტბეკ ატამბაევის დაკითხვა.

დღეს დედაქალაქ ბიშკეკში ექსპრეზიდენტის 1500-მე მომხრე შეიკრიბა და არეულობა მოაწყვეს - ამტვრევდნენ ვიტრინებს, ცეცხლი წაუკიდეს ნაგვის ურნებს, გაანადგურეს ქუჩის ვიდეოკამერები. სამართალდამცავებმა 40 პირი დააკავეს.

ექსპრეზიდენტის ადვოკატმა სლესარევმა განაცხადა, რომ ყოფილი პრეზიდენტი ალმაზბეკ ატამბაევმა საგამოძიებო დოკუმენტებს: უწყებას ეჭვის შესახებ, დაკითხვის ოქმს, აღკვეთის ღონისძიების შუამდგომლობას და აღკვეთის ღონისძიების შეფარდების შესახებ დადგენილებას ხელი არ მოაწერა. ადვოკატს მიაჩნია, რომ „ყველაფერი, რაც ატამბაევის მიმართ ხდება, სრული უკანონობაა“.

ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ქართული პრესის მიმოხილვა 17.01.2020
ვახტანგ ძაბირაძე - იმ ვითარებაში, როგორშიც ახლა ოპოზიციაა, ხელისუფლებას, რა თქმა უნდა, აქვს ძალაუფლების შენარჩუნების შანსი
რას უტოვებს ტექნიკური უნივერსიტეტის კანცლერი შემცვლელს - კარლო კოპალიანს?
Livo.ge-ზე უძრავი ქონების სერტიფიცირებული შეფასება 24 საათში 39 ლარად არის შესაძლებელი
სილქნეტის ოპტიკურ ქსელში დღეიდან სატელევიზიო პაკეტები იცვლება
კომპანია „თბილღვინომ“ 50 რჩეული მასპინძელი გამოავლინა