ნიკა გვარამიას ადვოკატს სასამართლოს განჩინება ჩაბარდა

„რუსთავი2“-ის ყოფილი გენერალური დირექტორის, ნიკა გვარამიას ადვოკატს საქალაქო სასამართლოს განჩინება ჩაბარდა. როგორც „ინტერპრესნიუსს“ ნიკა გვარამიას ადვოკატმა დიმიტრი საძაგლიშვილმა განუცხადა, ის გადაწყვეტილების გასაჩივრებას ზემდგომ ინსტანციაში გეგმავს და ამისთვის მას კანონმდებლობით განსაზღვრული 48 საათი აქვს.

„ვაპირებთ გასაჩივრებას. არ ველოდებით, რომ საპელაციო სასამართლო ძირეულად განსხვავებულ გადაწყვეტილებას მიიღებს, თუმცა ფორმალურად ჩვენ მაინც დაცვის ყველა საშუალებას გამოვიყენებთ“,-აცხადებს ადვოკატი.

მისივე თქმით, მისი დაცვის ქვეშ მყოფის პოზიცია გირაოსთან დაკავშირებით არ შეცვლილა და ნიკა გვარამია 40 000 ლარიანი გირაოს გადახდას არც ახლა და არც ერთი თვის შემდეგ არ აპირებს.

ცნობისთვის, საქალაქო სასამართლოს მოსამართლე გიორგი კერატიშვილმა გუშინ პროკურატურის მოთხოვნა ნაწილობრივ გაიზიარა და ნიკა გვარამიას 40 000 ლარის ოდენობით გირაო დაუწესა. ამასთან, გვარამიას ეკრძალება სპეციალური ნებართვის გარეშე ქვეყნის დატოვებაც. „რუსთავი2“-ის ყოფილი დირექტორი ამბობს, რომ მის მიმართ წაყენებული ბრალდება არის სრულიად აბსურდული და არ აპირებს გირაოს გადახდას.

ნიკა გვარამიას ბრალი საქართველოს სისხლის სამართლის კოდექსის 220-ე მუხლით აქვს წაყენებული.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს