„როსკომნადზორი“ Google-ს „უკანონო ღონისძიებების“ რეკლამირების შეწყვეტისკენ მოუწოდებს

რუსეთის კომუნიკაციების სახელმწიფო მარეგულირებელი ორგანო „როსკომნადზორი“ Google-ს მოუწოდებს, YouTube-ის ვიდეოპლატფორმის საშუალებით „უკანონო მასობრივი ღონისძიებების“ რეკლამირება შეწყვიტოს, - ამის შესახებ ინფორმაციას „როიტერსი“ ავრცელებს.

„როსკომნადზორმა“ აღნიშნული გაფრთხილება მას შემდეგ გამოსცა, რაც შაბათს მოსკოვში გამართული მასშტაბური ანტისამთავრობო აქცია YouTube-ის რამდენიმე არხმა პირდაპირ ეთერში გადმოსცა.

რუსეთის კომუნიკაციების სახელმწიფო მარეგულირებელი ორგანო აცხადებს, რომ თუკი Google-ი მათ მოთხოვნას არ შეასრულებს, ეს განიხილება, როგორც „საშინაო საქმეებში ჩარევა“ და „მტრული ზეგავლენა რუსეთის დემოკრატიულ არჩევნებზე და მისთვის დაბრკოლების შექმნა.“

„როსკომნადზორი“ იმუქრება, რომ თუკი კომპანია საკუთარი პლატფორმების საშუალებით უკანონო ღონისძიებების წახალისების შეწყვეტისთვის შესაბამის ღონისძიებებს არ განახორციელებს, „რუსეთი იტოვებს უფლებას მას ადეკვატური პასუხი გასცეს.“

აღსანიშნავია, რომ 2018 წლის ბოლოს რუსეთმა Google-ი 500,000 რუბლით (7,663 აშშ დოლარი) იმის გამო დააჯრიმა, რომ კომპანიამ საკუთარი საძიებო სისტემიდან ზოგიერთი შესასვლელი არ ამოშალა. იმავე წელს Google-მა YouTube-იდან ოპოზიციის ლიდერის, ალექსეი ნავალნის რეკლამაც ამოიღო, ვინაიდან ხელისუფლების წარმომადგენლებმა ვიდეოები კანონის დარღვევად ჩათვალეს.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს