ყირგიზეთის პროკურატურა ქვეყნის ყოფილ პრეზიდენტს, ალმაზბეკ ატამბაევს სახელმწიფო გადატრიალების დაგეგმვაში ადანაშაულებს, - ამის შესახებ ინფორმაციას სააგენტო „როიტერსი“ რუსულ საინფორმაციო სააგენტო „ინტერფაქსზე“ დაყრდნობით ავრცელებს.

ყოფილი პრეზიდენტი ალმაზბეკ ატამბაევი 7 აგვისტოს სპეცოპერაციის შედეგად დააკავეს.

სპეცოპერაციის დროს, რომელიც სოფელ კოი-ტაშში ატამბაევის რეზიდენციასთან ჩატარდა, ერთი სპეცრაზმელი დაიღუპა, ათეულობით ადამიანი კი დაშავდა. მაშინ სამართალდამცავები აცხადებდნენ, რომ ატამბაევი კორუფციის საქმეზე ჩვენების მისაცემად აიყვანეს.

ალმაზბეკ ატამბაევი ყირგიზეთის პრეზიდენტის პოსტს 2011-2017 წლებში იკავებდა.